ಗೋಕಾಕ:ಲೋಕಸಭಾ ಚುನಾವಣೆಯಿಂದಲೇ ಗೋಕಾಕ ಮತಕ್ಷೇತ್ರದ ಉಪ ಚುನಾವಣೆ ತಯ್ಯಾರಿ ನಡೆಸಲಾಗಿದೆ: ಸತೀಶ ಜಾರಕಿಹೊಳಿ
ಲೋಕಸಭಾ ಚುನಾವಣೆಯಿಂದಲೇ ಗೋಕಾಕ ಮತಕ್ಷೇತ್ರದ ಉಪ ಚುನಾವಣೆ ತಯ್ಯಾರಿ ನಡೆಸಲಾಗಿದೆ: ಸತೀಶ ಜಾರಕಿಹೊಳಿ
ನಮ್ಮ ಬೆಳಗಾವಿ ಸುದ್ದಿ , ಗೋಕಾಕ ಸೆ 21 :
ಲೋಕಸಭಾ ಚುನಾವಣೆಯಿಂದಲೇ ಗೋಕಾಕ ಮತಕ್ಷೇತ್ರದ ಉಪ ಚುನಾವಣೆ ತಯ್ಯಾರಿ ನಡೆಸಲಾಗಿದೆ ಎಂದು ಮಾಜಿ ಸಚಿವ ಹಾಗೂ ಯಮಕನಮರಡಿ ಶಾಸಕ ಸತೀಶ ಜಾರಕಿಹೊಳಿ ಹೇಳಿದರು.
ಶನಿವಾರದಂದು ನಗರದ ಉಪ್ಪಾರ ಗಲ್ಲಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾಂಗ್ರೇಸ್ ಪಕ್ಷದ ಭದ್ರಕೋಟೆಯಾದ ಗೋಕಾಕ ಮತಕ್ಷೇತ್ರದಲ್ಲಿ ನಾವು ಈಗಾಗಲೇ 2 ಸುತ್ತು ಪ್ರವಾಸ ಕೈಗೊಂಡು ಮತದಾರ ಮನದಾಳವನ್ನು ಮುಟ್ಟಲು ಪ್ರಯತ್ನಿಸಲಾಗಿದೆ. ಗೋಕಾಕ ಮತಕ್ಷೇತ್ರದಿಂದ ಸಹೋದರ ಲಖನ್ ಜಾರಕಿಹೊಳಿ ಅವರ ಹೆಸರನ್ನು ಪಕ್ಷದ ವರಿಷ್ಠರ ಸೂಚಿಸಲಾಗಿದ್ದು, ಗೋಕಾಕ ಮತಕ್ಷೇತ್ರದಿಂದ ಬೇರೆ ಯಾರು ಟಿಕೇಟಗಾಗಿ ಬೇಡಿಕೆ ಇಲ್ಲದೇ ಇರುವುದರಿಂದ ಬಹುತೇಕ ಲಖನ ಅವರಿಗೆ ಟಿಕೇಟ ದೊರೆಯುವುದು ಖಚಿತವಾಗಿದೆ ಎಂದು ತಿಳಿಸಿದರು.
ಬೆಳಗಾವಿ ಜಿಲ್ಲೆಯ ಅಥಣಿ ಹಾಗೂ ಕಾಗವಾಡ ಮತಕ್ಷೇತ್ರದ ಉಪ ಚುನಾವಣೆಗಾಗಿ ಅಲ್ಲಿಯ ಪಕ್ಷದ ಕಾರ್ಯಕರ್ತರನ್ನು ಭೇಟಿಯಾಗಿ ಅವರು ಸೂಚಿಸುವ ಹೆಸರನ್ನು ಪಕ್ಷದ ವರಿಷ್ಠರಿಗೆ ಗಮನಕ್ಕೆ ತರಲಾಗುವುದು ಎಂದು ತಿಳಿಸಿದ ಅವರು ಚುನಾವಣೆಯು ಡಿಸೆಂಬರ್ ತಿಂಗಳಿನಲ್ಲಿ ಬರುಬಹುದೆಂದು ಊಹಿಸಲಾಗಿತ್ತು ಆದರೆ ಅಕ್ಟೋಬರ್-21 ರಂದು ಘೋಷಣೆಯಾಗಿದ್ದರಿಂದ ಆದಷ್ಟು ಬೇಗನೆ ಜಿಲ್ಲೆಯ 3ಕ್ಷೇತ್ರಗಳಲ್ಲಿ ಅಭ್ಯರ್ಥಿಗಳನ್ನು ಅಂತಿಮಗೊಳಿಸಿ ಪ್ರಚಾರ ಕಾರ್ಯದಲ್ಲಿ ತೊಡಲಾಗಿವುದು ಎಂದು ಹೇಳಿದರು.