ಗೋಕಾಕ:ಕಾಯಕ ಶ್ರೀ ಪ್ರಶಸ್ತಿಗೆ ಹಿನ್ನೆಲೆ ಗಾಯಕ ಎಸ್‌ಪಿ‌ಬಿ ಹಾಗೂ ವಿಜ್ಞಾನಿ ಡಾ. ತೆಸ್ಸಿ ಥಾಮಸ್ ಆಯ್ಕೆ : ಮುರಘರಾಜೇಂದ್ರ ಶ್ರೀ ಮಾಹಿತಿ
ಕಾಯಕ ಶ್ರೀ ಪ್ರಶಸ್ತಿಗೆ ಹಿನ್ನೆಲೆ ಗಾಯಕ ಎಸ್‌ಪಿ‌ಬಿ ಹಾಗೂ ವಿಜ್ಞಾನಿ ಡಾ. ತೆಸ್ಸಿ ಥಾಮಸ್ ಆಯ್ಕೆ : ಮುರಘರಾಜೇಂದ್ರ ಶ್ರೀ ಮಾಹಿತಿ
ನಮ್ಮ ಬೆಳಗಾವಿ ಇ – ವಾರ್ತೆ ,ಗೋಕಾಕ ಡಿ 20 :
ಫೆಬ್ರವರಿಯಲ್ಲಿ ಜರಗುವ 15ನೇ ಶರಣ ಸಂಸ್ಕೃತಿ ಉತ್ಸವದಲ್ಲಿ ಕೊಡಮಾಡುವ ಕಾಯಕ ಶ್ರೀ ಪ್ರಶಸ್ತಿಗೆ ಈ ಬಾರಿ ಖ್ಯಾತ ಹಿನ್ನೆಲೆ ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಹಾಗೂ ಮಹಿಳಾ ವಿಜ್ಞಾನಿ ಭಾರತದ ಕ್ಷಿಪಣಿ ಮಹಿಳೆ ಎಂದು ಪ್ರಸಿದ್ದಿ ಪಡೆದ ಡಾ. ತೆಸ್ಸಿ ಥಾಮಸ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಶೂನ್ಯ ಸಂಪಾದನ ಮಠದ ಪೀಠಾಧಿಪತಿ ಮುರಘರಾಜೇಂದ್ರ ಮಹಾಸ್ವಾಮಿಗಳು ಹೇಳಿದರು
ಶುಕ್ರವಾರದಂದು ಸಾಯಂಕಾಲ ನಗರದ ಶೂನ್ಯ ಸಂಪಾದನ ಮಠದಲ್ಲಿ ಜರುಗಿದ 15ನೇ ಶರಣ ಸಂಸ್ಕೃತಿ ಉತ್ಸವದ ಪೂರ್ವಭಾವಿ ಸಭೆಯ ಸಾನಿಧ್ಯವನ್ನು ವಹಿಸಿ ಅವರು ಮಾತನಾಡಿದರು.
ಕಾಯಕ ಶ್ರೀ ಈ ಪ್ರಶಸ್ತಿಯು 1 ಲಕ್ಷ ನಗದು ಹಾಗೂ ಪ್ರಶಸ್ತಿ ಪತ್ರ ಮತ್ತು ಫಲ ತಾಂಬೂಲಗಳನ್ನು ಒಳಗೊಂಡಿರುತ್ತದೆ ಬರುವ ಫೆಬ್ರವರಿ 1,2,3 ಮತ್ತು 4 ರಂದು ನಾಲ್ಕು ದಿನಗಳ ಕಾಲ ಶರಣ ಸಂಸ್ಕೃತಿ ಉತ್ಸವ ಜರುಗಲಿದ್ದು , ಫೆಬ್ರವರಿ 2 ರಂದು ಜರುಗುವ ಕಾರ್ಯಕ್ರಮದಲ್ಲಿ ಈ ಇಬ್ಬರೂ ಸಾಧಕರಿಗೆ ಕಾಯಕ ಶ್ರೀ ಪ್ರಶಸ್ತಿ ನೀಡಿ ಗೌರವಿಸಲಾಗುವದು
ನಗರದ ಗುರುವಾರ ಪೇಠದಿಂದ ಪ್ರಾರಂಭವಾದ ಈ ಶರಣ ಸಂಸ್ಕೃತಿ ಉತ್ಸವ ಇಂದು ತಾಲೂಕಾ ಮಟ್ಟದ ಕಾರ್ಯಕ್ರಮವಾಗಿ ಬೆಳೆದಿದ್ದು ತುಂಬಾ ಸಂತೋಷ ತಂದಿದೆ ತಾಲೂಕಿನ ಎಲ್ಲ ಭಕ್ತಾದಿಗಳು ಆಗಮಿಸಿ ಕಾರ್ಯಕ್ರಮವನ್ನು ಯಶಸ್ಸು ಗೋಳಿಸಲು ಸಹಕರಿಸಬೇಕೆಂದು ಶ್ರೀಗಳು ಮನವಿ ಮಾಡಿದರು
ಇದೇ ಸಂದರ್ಭದಲ್ಲಿ 15 ನೇ ಶರಣ ಸಂಸ್ಕೃತಿ ಉತ್ಸವ ಸಮಿತಿಯ ನೂತನ ಅಧ್ಯಕ್ಷರಾಗಿ ಕಲ್ಲೋಳಿಯ ಈರಣ್ಣಾ ಕಡಾಡಿ ಅವರನ್ನು ಕಾರ್ಯದರ್ಶಿಯನ್ನಾಗಿ ವಿವೇಕ ಜತ್ತಿ ಹಾಗೂ ಖಜಾಂಚಿಯಾಗಿ ಮಹಾಂತೇಶ ವಾಲಿ ಅವರನ್ನು ಆಯ್ಕೆ ಮಾಡಲಾಯಿತು
ಮುಖಂಡರುಗಳಾದ ಚಂದ್ರಶೇಖರ್ ಕೋಣ್ಣೂರ , ಎಂ.ಡಿ.ಚುನಮರಿ, ಮಲ್ಲಿಕಾರ್ಜುನ ಈಟಿ , ಡಾ.ಸಿ.ಕೆ ನಾವಲಗಿ , ಬಸವರಾಜ ಖಾನಪ್ಪನವರ , ಬಸನಗೌಡ ಪಾಟೀಲ ,ಸುನೀಲ ಪಂಚಗಾವಿ, ವಿಷ್ಣು ಲಾತೂರ , ಆನಂದ ಗೋಟಡಕಿ , ಶ್ರೀಮತಿ ರಾಜೇಶ್ವರಿ ಬೆಟ್ಟದಗೌಡ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು