ಗೋಕಾಕ:ಶಾಸಕ ರಮೇಶ ಅವರಿಗೆ ಕೊರೋನಾ ಸೋಂಕು : ಎಸ್.ಐ.ಟಿ ತಂಡದ ಸದಸ್ಯರ ಭೇಟಿ , ಪರಿಶೀಲನೆ
ಶಾಸಕ ರಮೇಶ ಅವರಿಗೆ ಕೊರೋನಾ ಸೋಂಕು : ಎಸ್.ಐ.ಟಿ ತಂಡದ ಸದಸ್ಯರ ಭೇಟಿ , ಪರಿಶೀಲನೆ
ನಮ್ಮ ಬೆಳಗಾವಿ ಇ – ವಾರ್ತೆ, ಗೋಕಾಕ ಏ 6 :
ಮಾಜಿ ಸಚಿವ ಶಾಸಕ ರಮೇಶ ಜಾರಕಿಹೊಳಿ ಅವರಿಗೆ ಕರೋನಾ ಸೋಂಕು ತಗುಲಿ ಗೋಕಾಕ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವಾಗಲೇ ಪರಿಸ್ಥಿತಿ ಅವಲೋಕಿಸಲು ಬೆಂಗಳೂರಿನ (ಎಸ್.ಐ.ಟಿ ) ವಿಶೇಷ ತನಿಖಾ ತಂಡದ ಇಬ್ಬರು ಸದಸ್ಯರು ಗೋಕಾಕಕ್ಕೆ ನಗರಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಮಂಗಳವಾರದಂದು ನಗರದ ಸರಕಾರಿ ಆಸ್ಪತ್ರೆಗೆ ಭೇಟಿ ನೀಡಿದ ವಿಶೇಷ ತನಿಖಾ ತಂಡದ ಸದಸ್ಯರು ಆಸ್ಪತ್ರೆಯ ಮುಖ್ಯ ವೈದ್ಯಾಧಿಕಾರಿಯಾದ ಡಾ.ರವೀಂದ್ರ ಅಂಟಿನ ಅವರನ್ನು ಸಂರ್ಪಕಿಸಿ ಶಾಸಕ ರಮೇಶ ಜಾರಕಿಹೊಳಿ ಅವರ ಆರೋಗ್ಯದ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಂಡರು.
ಈ ಸಂಧರ್ಭದಲ್ಲಿ ಎಸ್.ಐ.ಟಿ ತಂಡದ ಸದಸ್ಯರು ಡಾ.ರವೀಂದ್ರ ಅಂಟಿನ ಅವರಿಗೆ ಶಾಸಕ ರಮೇಶ ಜಾರಕಿಹೊಳಿ ಅವರಿಗೆ ಯಾವಾಗ ಕೊರೋನಾ ತಲುಗಿದೆ, ಅವರ ಟ್ರಾವೆಲ್ ಹಿಸ್ಟರಿ ಏನು?, ಗುಣಮುಖರಾಗಲು ಎಷ್ಟು ಸಮಯವಕಾಶ ಬೇಕು ?, ಎಂಬಿತ್ಯಾದಿ ಪ್ರಶ್ನೆಗಳನ್ನು ಕೇಳಿ ಮಾಹಿತಿಯನ್ನು ಕಲೆಹಾಕಿ ವಾಪಸ ಬೆಂಗಳೂರಿಗೆ ಮರಳಿದ್ದಾರೆ ಎಂದು ತಿಳಿದು ಬಂದಿದೆ.