ಸವದತ್ತಿ:ಅರಣ್ಯಕ್ಕೆ ಬೆಂಕಿ ಹಚ್ಚಿ , ತಂತಿ ಬಲೆಗಳನ್ನು ಬಳಸಿ ವನ್ಯ ಪ್ರಾಣಿಗಳ ಬೇಟೆಗೆ ಪ್ರಯತ್ನಿಸಿದ ವ್ಯಕ್ತಿಯ ಬಂಧನ
ಅರಣ್ಯಕ್ಕೆ ಬೆಂಕಿ ಹಚ್ಚಿ , ತಂತಿ ಬಲೆಗಳನ್ನು ಬಳಸಿ ವನ್ಯ ಪ್ರಾಣಿಗಳ ಬೇಟೆಗೆ ಪ್ರಯತ್ನಿಸಿದ ವ್ಯಕ್ತಿಯ ಬಂಧನ
ನಮ್ಮ ಬೆಳಗಾವಿ ಇ – ವಾರ್ತೆ, ಸವದತ್ತಿ ಮಾ 30 :
ಬೆಳಗಾವಿ ಜಿಲ್ಲೆಯ ಸವದತ್ತಿ ವಲಯದ ಮುರಗೋಡನ ಹಲಕಿ ಗ್ರಾಮದ ಅ.ಸ.ನಂ 175ರಲ್ಲಿ ಅರಣ್ಯಕ್ಕೆ ಬೆಂಕಿ ಹಚ್ಚುವ ಮತ್ತು ತಂತಿ ಬಲೆಗಳನ್ನು ಬಳಸಿ ವನ್ಯ ಪ್ರಾಣಿಗಳ ಬೇಟಿಯಾಡಲು ಪ್ರಯತ್ನಿಸಿದ ವ್ಯಕ್ತಿಯನ್ನು ಅರಣ್ಯಾಧಿಕಾರಿಗಳು ಬಂಧಿಸಿರುವ ಘಟನೆ ಸವದತ್ತಿ ವಲಯ ಅರಣ್ಯ ವ್ಯಾಪ್ತಿಯಲ್ಲಿ ಬುಧವಾರದಂದು ಜರುಗಿದೆ.
ಬಂಧಿತ ವ್ಯಕ್ತಿ ಹಲಕಿ ಗ್ರಾಮದ ಹನುಮಂತ ಕೊಟ್ರೆನ್ನವರ ಎಂದು ಗುರುತಿಸಲಾಗಿದ್ದು, ಬಂಧಿತನ ಮೇಲೆ ಪ್ರಕರಣ ದಾಖಲಿಸಿ ನ್ಯಾಯಾಂಗದ ವಶಕ್ಕೆ ನೀಡಲಾಗಿದೆ.
ಡಿ.ಎಫ್.ಓ ಅಂಥೊಣಿ ಮರಿಯಪ್ಪ, ಎ.ಸಿ.ಎಫ್. ರಾಜೇಶ್ವರಿ ಈರನಟ್ಟಿ ಮಾರ್ಗದರ್ಶನದಲ್ಲಿ ಸವದತ್ತಿ ಆರ್.ಎಫ್.ಓ ಶಂಕರ ಅಂತರಗಟ್ಟಿ ಹಾಗೂ ಸಿಬ್ಬಂದಿಗಳು ಈ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.