ಗೋಕಾಕ:ರಮೇಶ ಜಾರಕಿಹೊಳಿ ಅವರಿಗೆ ಬೆಂಬಲ ಘೋಷಿಸಿದ ಮುಸ್ಲಿಂ ಸಮುದಾಯ
ರಮೇಶ ಜಾರಕಿಹೊಳಿ ಅವರಿಗೆ ಬೆಂಬಲ ಘೋಷಿಸಿದ ಮುಸ್ಲಿಂ ಸಮುದಾಯ
ಗೋಕಾಕ ಮೇ 8 : ಮೇ 10 ರಂದು ಜರಗುವ ಚುನಾವಣೆಯಲ್ಲಿ ಮುಸ್ಲಿಂ ಸಮುದಾಯದ ಸಂಪೂರ್ಣ ಬೆಂಬಲ ಬಿಜೆಪಿ ಅಭ್ಯರ್ಥಿ ರಮೇಶ ಜಾರಕಿಹೊಳಿ ಅವರಿಗೆ ನೀಡುವುದಾಗಿ ಮುಸ್ಲಿಂ ಸಮುದಾಯದ ಮುಖಂಡರು ನಿರ್ಣಯ ಕೈಗೊಂಡರು
ರವಿವಾರದಂದು ಇಲ್ಲಿನ ಲಕ್ಕಡಗಲ್ಲಿ ಶಾದಿ ಮಹಲ್ ನಲ್ಲಿ ನಗರದ 40 ಜಮಾತಗಳ ಮುಸ್ಲಿಂ ಸಮುದಾಯ ಮುಖಂಡರ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಯಿತು.
ಈ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಮುಖಂಡ ಮೋಶಿನ ಖೋಜಾ ಕಳೆದ 30 ವರ್ಷಗಳಿಂದ ಜಾರಕಿಹೊಳಿ ಕುಟುಂಬ ಮುಸ್ಲಿಂ ಸಮುದಾಯದದೊಂದಿಗೆ ಅವಿನಾಭಾವ ಸಂಬಂಧ ವಿದೆ, ಮುಸ್ಲಿಂ ಸಮುದಾಯದ ಅಭಿವೃದ್ಧಿಗೆ ಎಲ್ಲ ರೀತಿಯ ಸೌಲಭ್ಯಗಳನ್ನು ಕಲ್ಪಿಸಿ ಶ್ರಮಿಸುತ್ತಿದ್ದಾರೆ. ಇವರಿಗು ಸಮುದಾಯ ಸತತವಾಗಿ ಬೆಂಬಲಿಸುತ್ತಲೆ ಬಂದಿದೆ. ಈ ಬಾರಿಯು ಸುಳ್ಳು ವಂದತಿಗಳಿಗೆ ಕಿವಿಗೊಡದೆ ರಮೇಶ ಜಾರಕಿಹೊಳಿ ಅವರಿಗೆ ತಮ್ಮ ಮತ ನೀಡಬೇಕು. ಯುವ ಸಮುದಾಯ ನಮ್ಮ ಹಾಗೂ ಜಾರಕಿಹೊಳಿ ಕುಟುಂಬದ ನಡುವಿನ ಸಂಬಂಧಕ್ಕೆ ಹೆಚ್ಚಿನ ಮಹತ್ವ ನೀಡಿ ಅವರನ್ನು ಬೆಂಬಲಿಸಬೇಕು. ಸಮಾಜದ ಮುಖಂಡರು ಮನೆ,ಮನೆಗೆ ತೆರಳಿ ಮಹಿಳೆಯರು ಸೇರಿದಂತೆ ಯುವ ಪೀಳಿಗೆಯ ಮನ ಒಲಿಸಿ ತಮ್ಮ ಮತವನ್ನು ಬಿಜೆಪಿ ಅಭ್ಯರ್ಥಿ ರಮೇಶ ಜಾರಕಿಹೊಳಿ ಅವರಿಗೆ ನೀಡಲು ಪ್ರೆರೇಪಿಸಿ ಈ ಬಾರಿಯ ಚುನಾವಣೆಯಲ್ಲಿ ರಮೇಶ ಜಾರಕಿಹೊಳಿ ಅವರು ಅತ್ಯಧಿಕ ಮತಗಳ ಅಂತರದಿಂದ ಆಯ್ಕೆಯಾಗುವಂತೆ ಆರ್ಶಿವದಿಸುವಂತೆ ಕೋರಿದರು.
ಈ ಸಂದರ್ಭದಲ್ಲಿ ಮುಖಂಡರುಗಳಾದ ಅಬ್ದುಲ ರಹೆಮಾನ ದೇಸಾಯಿ, ಕುತುಬ್ಬುದ್ದೀನ ಗೋಕಾಕ, ಎಂ.ಜಿ.ಮುಜಾವರ, ಡಿ.ಯು ಅತ್ತಾರ, ಎಚ್.ಡಿ.ಮುಲ್ಲಾ, ಜಾವೇದ್ ಗೋಕಾಕ, ರಿಯಾಜ ದೇಸಾಯಿ, ಮಲ್ಲಿಕ ಪೈಲವಾನ, ಇಲಾಹಿ ಖೈರದಿ, ಯೂಸುಫ್ ಅಂಕಲಗಿ, ದಾದಾಪೀರ ಶಾಬಾಶಖಾನ, ಬುಡ್ಡೇಸಾಬ ಶಾಬಾಶಖಾನ, ಕಾಶಿಮ ಖಲೀಫ, ಅಬ್ದುಲವಹಾಬ ಜಮಾದಾರ, ರಿಯಾಜ ಖತೀಫ, ಮುತ್ತಿ ಖಾಜಾಸಾಬ ಸುಳ್ಳೇಬಾವಿ, ಶರಪೋದ್ದೀನ ನರೋ, ರಾಜು ಅಂಡಗಿ, ಜುಬೇರ ತರಾಸಗಾರ, ಶೇರಖಾನ ಫನಿಬಂದ್, ಹುಸೇನ್ ಫನಿಬಂದ್, ಗಫಾರ ಖಾಗಜಿ, ಬಾಬು ಶೇಖಬಡೆ, ಇಮಾಮ ಬೋಜಗರ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು