ಬೆಳಗಾವಿ:ಮಹಾದಾಯಿ ತೀರ್ಪಿಗೆ ಬೆಳಗಾವಿಯಲ್ಲಿ ರೈತರ ಆಕ್ರೋಶ
ಮಹಾದಾಯಿ ತೀರ್ಪಿಗೆ ಬೆಳಗಾವಿಯಲ್ಲಿ ರೈತರ ಆಕ್ರೋಶ
ಬೆಳಗಾವಿ ಅ 14 : ಬಹುಕಾಲದಿಂದ ಜಾತಕ ಪಕ್ಷೀಯಂತೆ ಕಾದು ಕುಳಿತ್ತಿದ ರೈತರಿಗೆ ಕೊನೆಗೂ ನಿರಾಸೆ ಮೂಡಿದೆ . ಇದರಿಂದ ಮಹಾದಾಯಿ ನ್ಯಾಯಾಧಿಕರಣದ ತೀರ್ಪನ್ನು ಖಂಡಿಸಿ ಬೆಳಗಾವಿಯಲ್ಲಿ ಇಂದು ರೈತ ಸಂಘಟನೆಯ ಮುಖಂಡರು ನಗರದ ಚನ್ನಮ್ಮ ವೃತ್ತದಲ್ಲಿ ಪ್ರತಿಭಟನೆ ನಡೆಯಿಸಿದರು
ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ವಿರುದ್ಧ ಘೋಷಣೆ ಕೂಗಿದ ಹೋರಾಟಗಾರರು, ಟೈರ್ಗೆ ಬೆಂಕಿ ಹಚ್ಚಿ ಪ್ರತಿಭಟನೆ ನಡೆಸಿದರು.
17 ಟಿಎಂಸಿ ನೀರಿಗೆ ಬೇಡಿಕೆ ನಮ್ಮದಾಗಿತ್ತು. ಆದರೆ ನ್ಯಾಯಾಧೀಕರಣ ಕಡಿಮೆ ನೀರು ಕೊಟ್ಟಿದೆ. ಕುಡಿಯುವ ನೀರಿಗೆ ನಾವು 7.5 ಟಿಎಂಸಿ ಕೇಳಿದ್ದರೂ ತೀರ್ಪಿನಲ್ಲಿ 5.5 ಟಿಎಂಸಿ ಕೊಡಲಾಗಿದೆ. ಇದು ಈ ಭಾಗದ ಹೋರಾಟಗಾರರಿಗೆ ತೀವ್ರ ಅನ್ಯಾಯ ಆಗಿದೆ ಎಂದು ಹೋರಾಟಗಾರರು ಅಸಮಾಧಾನ ವ್ಯಕ್ತಪಡಿಸಿದರು.