ಬೆಳಗಾವಿ:ಬಹುಕೋಟಿ ಠೇವಣಿ ವಂಚನೆ ಪ್ರಕರಣ : ನಿರ್ಮಾಪಕ ಆನಂದ ಅಪ್ಪುಗೋಳ ಅರೆಸ್ಟ್
ಬಹುಕೋಟಿ ಠೇವಣಿ ವಂಚನೆ ಪ್ರಕರಣ : ನಿರ್ಮಾಪಕ ಆನಂದ ಅಪ್ಪುಗೋಳ ಅರೆಸ್ಟ್
ಬೆಳಗಾವಿ ನ 6 : ಬಹುಕೋಟಿ ಠೇವಣಿ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಂಗೋಳ್ಳಿ ರಾಯಣ್ಣ ಸೋಸೈಟಿಯ ಅಧ್ಯಕ್ಷ ಚಿತ್ರ ನಿರ್ಮಾಪಕ ಆನಂದ ಅಪ್ಪುಗೋಳ ಅವರನ್ನು ಇಂದು ಬೆಳಿಗ್ಗೆ ಬಂಧಿಸಿದ್ದಾರೆ
ಗ್ರಾಹಕರ ನ್ಯಾಯಾಲಯ ಬಂಧನ ವಾರೆಂಟ್ ಹೊರಡಿಸಿದಕ್ಕೆ ಬಂಧನದ ಭೀತಿಯಿಂದ ತಲೆಮರೆಸಿಕೊಂಡಿದ್ದ ಆನಂದ ಅಪ್ಪುಗೋಳ ಅವರನ್ನು ನಗರ ಕ್ರೈಂ ವಿಭಾಗದ ಪೊಲೀಸರು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ.
ಠೇವಣಿ ಹಣ ಮರಳಿಸದಕ್ಕೆ ಹಲವು ಗ್ರಾಹಕರು ಗ್ರಾಹಕರ ನ್ಯಾಯಾಲಯದ ಮೊರೆ ಹೋಗಿದ್ದರು. ಹೀಗಾಗಿ ಬೆಳಗಾವಿಯ ಗ್ರಾಹಕರ ನ್ಯಾಯಾಲಯ ಅಪ್ಪುಗೋಳಗೆ ಅರೆಸ್ಟ್ ವಾರೆಂಟ್ ಜಾರಿ ಮಾಡಿತ್ತು. ಬಂಧನದ ಭೀತಿಯಿಂದ ಅಪ್ಪುಗೋಳ ಹಲವು ದಿನಗಳಿಂದ ತಲೆಮರೆಸಿಕೊಂಡಿದ್ದರು. ಇಲ್ಲಿನ ಮಹಾಂತೇಶ ನಗರದ ತಮ್ಮ ಸ್ನೇಹಿತರ ಮನೆಯಲ್ಲಿದ್ದ ಆನಂದ ಅಪ್ಪುಗೋಳ ಅವರನ್ನು ಕ್ರೈಂ ಎಸಿಪಿ ಮಹಾಂತೇಶ್ವರ್ ಜಿದ್ದಿ ನೇತೃತ್ವದ ತಂಡ ಬಂಧಿಸಿದೆ.
ಅಪ್ಪುಗೋಳ ಬಂಧನಕ್ಕೆ ಆಗ್ರಹಿಸಿ ನೂರಾರು ಗ್ರಾಹಕರು ನಿನ್ನೆ ಡಿಸಿ ಕಚೇರಿ ಎದುರು ಪ್ರತಿಭಟನೆ ನಡೆಸಿ ಒತ್ತಡ ಹೇರಿದ್ದರು.