ಗೋಕಾಕ:ಪ್ರವಾಹ ಹಿನ್ನೆಲೆ : ನೆರವಿಗೆ ಸರಕಾರವನ್ನು ಪಕ್ಕಕ್ಕಿಟ್ಟು, ಭರದಿಂದ ದಾವಿಸುತ್ತಿರುವ ಸಾರ್ವಜನಿಕರು
ಪ್ರವಾಹ ಹಿನ್ನೆಲೆ : ನೆರವಿಗೆ ಸರಕಾರವನ್ನು ಪಕ್ಕಕ್ಕಿಟ್ಟು, ಭರದಿಂದ ದಾವಿಸುತ್ತಿರುವ ಸಾರ್ವಜನಿಕರು
ನಮ್ಮ ಬೆಳಗಾವಿ ಸುದ್ದಿ , ಗೋಕಾಕ ಅ 10 :
ಕಳೆದ ನಾಲ್ಕೈದು ದಿನಗಳಿಂದ ಸುರಿಯುತ್ತಿರುವ ಭಾರತದ ಪ್ರಮಾಣದ ಮಳೆಯಿಂದಾಗಿ ಗೋಕಾಕ ತಾಲೂಕು ತತ್ತರಿಸಿ ಹೋಗಿದ್ದು , ಜಾತಿ ಮತ ಪಂಥ ಸಂತ್ರಸ್ತರ ನೆರೆವಿಗೆ ಹಲವಾರು ಸಂಘಟನೆಗಳು , ಸಾರ್ವಜನಿಕರು ದಾವಿಸಿ ಮಾನವೀಯತೆ ಮೆರೆಯುತ್ತಿದ್ದಾರೆ.
ಸತೀಶ ಜಾರಕಿಹೊಳಿ ಫೌಂಡೇಶನ್ ವತಿಯಿಂದ ಶಿಂಗಳಾಪೂರ ಗ್ರಾಮದ ರೈತರಿಗೆ ಮೇವು ಮತ್ತು ಜಾಕೆಟ್ ವಿತರಿಸಲಾಯಿತು
ಸರಕಾರದಿಂದ ತಾಲೂಕಿನಾದ್ಯಂತ 50 ಕ್ಕೂ ಹೆಚ್ಚು ಗಂಜಿ ಕೇಂದ್ರಗಳನ್ನು ತೆರೆಯಲಾಗಿದ್ದು ,ಅವು ಹೆಸರಿಗೆ ಮಾತ್ರ ಅವು ಹೆಸರಿಗೆ ಮಾತ್ರ ಎಂಬಂತೆ ವಾಗಿವೆ ತಾಲೂಕಾಡಳಿತ ವತಿಯಿಂದ ಈ ಗಂಜಿ ಕೇಂದ್ರಗಳಿಗೆ ಊಟ – ಉಪಚಾರ, ಔಷಧಿ, ಹೊದಿಕೆ, ನೀರು ಸೇರಿದಂತೆ ಅಗತ್ಯ ವಸ್ತುಗಳನ್ನು ಸರಬರಾಜು ಮಾಡಬೇಕು ಆದರೆ ಅದ್ಯಾವ ಕಾರ್ಯಗಳು ತಾಲೂಕಾಡಳಿತ ವತಿಯಿಂದ ಆಗುತ್ತಿಲ್ಲ ಬದಲಾಗಿ ಸ್ಥಳೀಯ ಸಂಘ, ಸಂಸ್ಥೆಗಳು , ವಿವಿಧ ಸಮಾಜ ಭಾಂಧವರಿಂದ ಈ ಎಲ್ಲ ಕಾರ್ಯಗಳು ನಡೆಯುತ್ತಿವೆ. ಪ್ರವಾಹದ ವಿಕೋಪಕ್ಕೆ ತುತ್ತಾಗಿರುವ ನಿರಾಶ್ರಿತರನ್ನು ತಮ್ಮ ಕುಟುಂಬ ಸದಸ್ಯರೆಂದು ಭಾವಿಸಿ ದೈನಂದಿನ ಅಗತ್ಯ ವಸ್ತುಗಳನ್ನು ನಗರ ಸೇರಿದಂತೆ ಗ್ರಾಮೀಣ ಭಾಗದಲ್ಲಿ ತೆರೆಯಲಾದ ಗಂಜಿ ಕೇಂದ್ರಗಳಿಗೆ ತಲುಪಿಸುತ್ತಿರುವದು ಶ್ಲಾಘನೀಯ ಕಾರ್ಯವಾಗಿದೆ.
ಕರವೇಯಿಂದ ಟೂತಪೇಸ್ಟ,ಬ್ರಶ್,ಎಣ್ಣೆ ವಿತರಣೆ: ಸ್ಥಳೀಯ ಕರವೇ ಸಂಘಟನೆಯಿಂದ ನಗರದ ವಿವಿಧ ಗಂಜಿ ಕೇಂದ್ರಗಳಲ್ಲಿ ಟೂಥಪೇಸ್ಟ, ಬ್ರಶ್ , ಎಣ್ಣೆ ವಿತರಿಸಲಾಯಿತು.
ಪಿಎಫ್ಐ ಸಂಘಟನೆಯಿಂದ ಅರಿವೆ, ಹೊದಿಕೆ, ಹಣ್ಣು ಹಂಪಲ ವಿತರಣೆ : ನಗರದ ಪಿಎಫ್ಐ ಸಂಘಟನೆ ವತಿಯಿಂದ ಗಂಜಿ ಕೇಂದ್ರದಲ್ಲಿ ಆಶ್ರಯ ಪಡೆದಿರುವ ಸಂತ್ರಸ್ತರಿಗೆ ಅರಿವೆ, ಹಣ್ಣು ಹಂಪಲ್, ಹೊದಿಕೆ ಯಂತಹ ಅಗತ್ಯ ಸಾಮಾಗ್ರಿಗಳನ್ನು ವಿತರಿಸಲಾಯಿತು.
ಸತೀಶ ಜಾರಕಿಹೊಳಿ ಫೌಂಡೇಶನ್ ವತಿಯಿಂದ ಜಲಾವೃತಗೊಂಡಿರುವ ಶಿಂಗಳಾಪೂರ ಗ್ರಾಮದಲ್ಲಿ ರೈತರಿಗೆ ಮೇವು, ಜಾಕೆಟ್ ವಿತರಿಸಲಾಯಿತು