ಗೋಕಾಕ:ಪ್ರವಾಹದಿಂದ ಹಾನಿಯಾದ ವ್ಯಾಪಾರಸ್ಥರಿಗೆ ಸರಕಾರದಿಂದ ಪರಿಹಾರ ನೆರವು ಕೊಡಿಸಲು ಜೆಸಿಐನಿಂದ ಸಭೆ ಆಯೋಜನೆ
ಪ್ರವಾಹದಿಂದ ಹಾನಿಯಾದ ವ್ಯಾಪಾರಸ್ಥರಿಗೆ ಸರಕಾರದಿಂದ ಪರಿಹಾರ ನೆರವು ಕೊಡಿಸಲು ಜೆಸಿಐನಿಂದ ಸಭೆ ಆಯೋಜನೆ
ನಮ್ಮ ಬೆಳಗಾವಿ ಸುದ್ದಿ , ಗೋಕಾಕ ಅ 20 :
ಜೆಸಿಐ ಸಂಸ್ಥೆ ಗೋಕಾಕ ಇವರ ನೇತೃತ್ವದಲ್ಲಿ ನಗರದ ರೋಟರಿ ಕ್ಲಬ್ ,ಲೈನ್ಸ್ ಕ್ಲಬ್ , ಕರವೇ (ಸ್ವಾಭಿಮಾನಿ ಬಣ) , ಸರಾಫ್ ವ್ಯಾಪಾರಸ್ಥರ ಸಂಘ ಹಾಗೂ ಇನ್ನಿತರ ಸಂಘಟನೆಗಳ ಸಹಯೋಗದೊಂದಿಗೆ ಪ್ರವಾಹದಿಂದ ಹಾನಿಗೊಳಗಾದ ವ್ಯಾಪಾರಸ್ಥರಿಗೆ ಸರಕಾರದಿಂದ ಪರಿಹಾರ ನೆರವು ಕೊಡಿಸುವ ಸಲುವಾಗಿ ಇಲ್ಲಿಯ ಬೀರೇಶ್ವರ ಸಮುದಾಯ ಭವನದಲ್ಲಿ ಮಂಗಳವಾರದಂದು ಪೂರ್ವಭಾವಿ ಸಭೆ ನಡೆಸಲಾಯಿತು .
ಪ್ರವಾಹದಿಂದ ನಗರದಲ್ಲಿ ವ್ಯಾಪಾರಸ್ಥರು ಹೆಚ್ಚಿನ ಹಾನಿಗೋಳಗಾಗಿದ್ದಾರೆ. ಅವರಿಗೆ ಸರಕಾರ ಯಾವುದೇ ಪರಿಹಾರ ಘೋಷಣೆ ಮಾಡಿಲ್ಲ ಸರಕಾರದ ಗಮನ ಸೇಳೆಯಲು ಶನಿವಾರ ಮುಂಜಾನೆ 9 ಘಂಟೆಗೆ ನಗರದ ನಾಕಾ ದಿಂದ ಬೃಹತ್ ಮೆರವಣಿಗೆ ಮೂಲಕ ತಹಶೀಲ್ದಾರ ಕಛೇರಿಗೆ ತೆರಳಿ ಮನವಿ ಸಲ್ಲಿಸಲು ಸಭೆಯಲ್ಲಿ ನಿರ್ಧರಿಸಲಾಯಿತು
ಈ ಸಭೆಯಲ್ಲಿ ಮುಖಂಡರುಗಳಾದ ವಿಷ್ಣು ಲಾತೂರ, ಮಹಾವೀರ ಖಾರೇಪಠಾಣ , ಸೋಮಶೇಖರ್ ಮಗದುಮ್ಮ, ವಿಶ್ವನಾಥ ಬೆಲ್ಲದ, ಜಯಾನಂದ ಮುನ್ನೋಳಿ , ಮಹಾಂತೇಶ ತಾವಂಶಿ , ಸುನೀಲ ಷಾ ,ವಿಜಯ ಖಾರೇಪಠಾಣ, ಸಂತೋಷ ಕಂಡ್ರಿ, ಸೇರಿದಂತೆ ಇತರರು ಇದ್ದರು