ಗೋಕಾಕ:ರಮೇಶ ಜಾರಕಿಹೊಳಿ ಅವರ ಅಭಿವೃದ್ಧಿ ಗಮನದಲ್ಲಿಟ್ಟು ಬಿಜೆಪಿಗೆ ಮತ ನೀಡಿ : ಪರವೇಜ ನಾಯಿಕ
ರಮೇಶ ಜಾರಕಿಹೊಳಿ ಅವರ ಅಭಿವೃದ್ಧಿ ಗಮನದಲ್ಲಿಟ್ಟು ಬಿಜೆಪಿಗೆ ಮತ ನೀಡಿ : ಪರವೇಜ ನಾಯಿಕ
ಗೋಕಾಕ ಡಿ 3 : ತಮ್ಮ ಅಧಿಕಾರವಧಿಯಲ್ಲಿ ಕೈಗೊಂಡ ಅಭಿವೃದ್ಧಿ ಕಾರ್ಯಗಳನ್ನು ಗಮನದಲ್ಲಿಟ್ಟು ಈ ಬಾರಿಯು ಸಹ ರಮೇಶ ಜಾರಕಿಹೊಳಿ ಅವರಿಗೆ ತಮ್ಮ ಅಮೂಲ್ಯವಾದ ಮತವನ್ನು ನೀಡಿ ಆರ್ಶಿವದಿಸಬೇಕೆಂದು ಕೋಣ್ಣೂರ ಗ್ರಾಮದ ಮುಸ್ಲಿಂ ಸಮುದಾಯ ಮುಖಂಡ ಪರವೇಜ ನಾಯಿಕ ಹೇಳಿದರು
ಮಂಗಳವಾರದಂದು ಕೋಣ್ಣೂರ ಪಟ್ಟಣದಲ್ಲಿ ರಮೇಶ ಜಾರಕಿಹೊಳಿ ಅವರ ಪ್ರಚಾರಾರ್ಥ ಹಮ್ಮಿಕೊಂಡಿದ್ದ ಸಭೆಯಲ್ಲಿ ಭಾಗವಹಿಸಿ ಅವರು ಮಾತನಾಡಿದರು
ಕಾಂಗ್ರೆಸ್ ಪಕ್ಷದವರ ಸ್ವಾರ್ಥ ರಾಜಕಾರಣದಿಂದ ಬೇಸತ್ತು , ಕ್ಷೇತ್ರದ ಜನರ ಹಿತ ದೃಷ್ಟಿಯಿಂದ ರಮೇಶ ಜಾರಕಿಹೊಳಿ ಅವರು ಬಿಜೆಪಿ ಪಕ್ಷದಿಂದ ಚುನಾವಣೆಗೆ ಸ್ವರ್ಧಿಸಿದ್ದಾರೆ. ಅವರ ಅಭಿವೃದ್ಧಿ ಪರ ಕಾರ್ಯಗಳನ್ನು ಗಮನಿಸಿ ರಾಜಕೀಯವಾಗಿ ಅವರಿಗೆ ಇನ್ನೂ ಹೆಚ್ಚಿನ ಶಕ್ತಿ ತುಂಬುವ ದೃಷ್ಟಿಯಿಂದ ಗ್ರಾಮದ ಸಮಸ್ತ ಮುಸ್ಲಿಂ ಬಾಂಧವರು ಬಿಜೆಪಿ ಪಕ್ಷದ ಕಮಲದ ಗುರ್ತಿಗೆ ತಮ್ಮ ಅಮೂಲ್ಯವಾದ ಮತವನ್ನು ನೀಡಿ ರಮೇಶ ಜಾರಕಿಹೊಳಿ ಅವರನ್ನು ಸತತ ಆರನೆಯ ಗೆಲವು ತಂದು ಕೊಡುವಲ್ಲಿ ಶ್ರಮಿಸಬೇಕೆಂದು ಪರವೇಶ ನಾಯಿಕ ವಿನಂತಿಸಿದರು
ನಂತರ ಬಿಜೆಪಿ ಅಭ್ಯರ್ಥಿ ರಮೇಶ ಜಾರಕಿಹೊಳಿ ಅವರ ಪರವಾಗಿ ಕಾರ್ಮಿಕ ಮುಖಂಡ ಅಂಬಿರಾವ ಪಾಟೀಲ, ಅಮರನಾಥ ಜಾರಕಿಹೊಳಿ,ಸನತ ಜಾರಕಿಹೊಳಿ ಅವರು ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಪಾದಯಾತ್ರೆ ಮೂಲಕ ಮತಯಾಚಿಸಿದರು
ಈ ಸಂದರ್ಭದಲ್ಲಿ ಪಟ್ಟಣ ಪಂಚಾಯಿತಿ ಸದಸ್ಯ ಪ್ರಕಾಶ ಕರನಿಂಗ, ವಿರುಪಾಕ್ಷ ಯಲಿಗಾರ, ಅಲಾವುದ್ದೀನ ಪೀರಜಾದೆ , ಇಮ್ತಿಯಾಜ ಪೀರಜಾದೆ, ಸಾಜೀದ ಜಗದಾಳ,ಇಬ್ರಾಹಿಂ ಪೀರಜಾದೆ, ಬಾಹುಬಲಿ ಪಾಟೀಲ, ನೇಮಿನಾಥ್ ಚೌಗಲಾ, ಶಾಂತಿನಾಥ ಹೋಳಿ, ಅಪ್ಪಾಸಾಹೇಬ ಪಾಟೀಲ, ಶೆಟ್ಟೆಪ್ಪ ಖನಗಾಂವಿ, ಮಾಹಾವೀರ ಬುದಿಗೋಪ್ಪ, ಜಿನ್ನಪ ಚೌಗಲಾ ಸೇರಿದಂತೆ ನೂರಾರು ಕಾರ್ಯಕರ್ತರು ಉಪಸ್ಥಿತರಿದ್ದರು