ಗೋಕಾಕ:ಬಹಿರಂಗ ಪ್ರಚಾರದ ಕೊನೆಯ ದಿನ ಬಿರುಸಿನ ಪ್ರಚಾರ ಕೈಗೊಂಡ ಅರಮನಾಥ ಮತ್ತು ಸನತ ಜಾರಕಿಹೊಳಿ
ಬಹಿರಂಗ ಪ್ರಚಾರದ ಕೊನೆಯ ದಿನ ಬಿರುಸಿನ ಪ್ರಚಾರ ಕೈಗೊಂಡ ಅರಮನಾಥ್ ಮತ್ತು ಸನತ ಜಾರಕಿಹೊಳಿ
ಈ ಬಾರಿ ಗೋಕಾಕದಲ್ಲಿ ಕಮಲ ಅರಳಿಸಿ : ಸನತ ಜಾರಕಿಹೊಳಿ
ನಮ್ಮ ಬೆಳಗಾವಿ ಇ – ವಾರ್ತೆ, ಗೋಕಾಕ ಡಿ 3 :
ಉಪ ಚುನಾವಣೆಗೆ ಮಂಗಳವಾರ ಕೊನೆಯ ದಿನವಾಗಿದ್ದು , ಬಿಜೆಪಿ ಅಭ್ಯರ್ಥಿ ರಮೇಶ ಜಾರಕಿಹೊಳಿ ಅವರ ಪರವಾಗಿ ಅವರ ಸುಪುತ್ರ ಅಮರನಾಥ ಜಾರಕಿಹೊಳಿ ಮತ್ತು ಎಲ್ಇಟಿ ಕಾಲೇಜಿನ ನಿರ್ದೇಶಕ ಸನತ ಜಾರಕಿಹೊಳಿ ಜಂಟಿಯಾಗಿ ಪಾದಯಾತ್ರೆ, ಬೈಕ್ ರ್ಯಾಲಿ ನಡೆಯಿಸಿ ಬಿರುಸಿನ ಪ್ರಚಾರ ಕೈಗೊಂಡರು
ಮಂಗಳವಾರದಂದು ಮತಕ್ಷೇತ್ರದ ಸಾವಳಗಿ, ಖಾನಾಪೂರ ನಂದಗಾಂವ ಗ್ರಾಮಗಳಲ್ಲಿ ಹಮ್ಮಿಕೊಂಡಿದ್ದ ಸಾರ್ವಜನಿಕ ಸಭೆ ಮತ್ತು ಬೈಕ್ ರ್ಯಾಲಿಯಲ್ಲಿ ಭಾಗವಹಿಸಿ ಬಿಜೆಪಿ ಅಭ್ಯರ್ಥಿ ರಮೇಶ ಜಾರಕಿಹೊಳಿ ಅವರನ್ನು ಅತ್ಯಧಿಕ ಮತಗಳಿಂದ ಆರಿಸತರಬೇಕೆಂದು ಮನವಿ ಮಾಡಿದರು
ಇದೇ ಸಂದರ್ಭದಲ್ಲಿ ಮತದಾರರನ್ನು ಉದ್ದೇಶಿಸಿ ಮಾತನಾಡಿದ ಸನತ ಜಾರಕಿಹೊಳಿ ಗೋಕಾಕ ಉಪ ಚುನಾವಣೆ ಸ್ವಾಭಿಮಾನದ ಚುನಾವಣೆಯಾಗಿದ್ದು , ಈ ಬಾರಿ ಗೋಕಾಕ ಮತಕ್ಷೇತ್ರದಲ್ಲಿ ಕಮಲ ಅರಳಿಸಿ ಬಿಜೆಪಿ ಗೆಲ್ಲಿಸಬೇಕು. ರಮೇಶ ಜಾರಕಿಹೊಳಿ ಅವರಿಗೆ ಮತ್ತೋಮ್ಮೆ ತಮ್ಮ ಸೇವೆ ಮಾಡಲು ಅವಕಾಶ ಮಾಡಿಕೊಡಬೇಕೆಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಗ್ರಾಮದ ಮುಖಂಡರಾದ ದರೆಪ್ಪ ಮಗದುಮ್ಮ, ಚಿದಾನಂದ ಶಿರಗಾವಿ, ಶಿವಮೂರ್ತಿ ನಾಯಿಕ, ಗಂಗರಾಮ ನಾಯಿಕ ,ಅಜೀತ ಮಕ್ಕಳಗೇರಿ, ಬಸವರಾಜ ಶಿರಗಾವಿ, ನಾಗಪ್ಪ ಅಪೋಜಿಅಪ್ಪಗೋಳ ಸೇರಿದಂತೆ ಹಲವರು ಉಪಸ್ಥಿತರಿದ್ದರು .