ಗೋಕಾಕ:ಗೋಕಾಕ ಕ್ಷೇತ್ರದ ಶಾಸಕರ ಬದಲಾವಣೆಯೇ ಮುಖ್ಯಗುರಿಯಾಗಿದೆ : ಸಚಿವ ಸತೀಶ ಜಾರಕಿಹೊಳಿ
ಗೋಕಾಕ ಕ್ಷೇತ್ರದ ಶಾಸಕರ ಬದಲಾವಣೆಯೇ ಮುಖ್ಯಗುರಿಯಾಗಿದೆ : ಸಚಿವ ಸತೀಶ ಜಾರಕಿಹೊಳಿ
ನಮ್ಮ ಬೆಳಗಾವಿ ಇ – ವಾರ್ತೆ , ಗೋಕಾಕ ಡಿ 3 :
ಗೋಕಾಕ ಕ್ಷೇತ್ರದ ಶಾಸಕರ ಬದಲಾವಣೆಯೇ ಮುಖ್ಯಗುರಿಯಾಗಿದೆ. ಬದಲಾವಣೆಯಿಂದ ಮಾತ್ರ ಗೋಕಾಕ ಕ್ಷೇತ್ರ ಅಭಿವೃದ್ಧಿ ಪಥದತ್ತ ಸಾಗುತ್ತದೆ ಎಂದು ಶಾಸಕ ಹಾಗೂ ಮಾಜಿ ಸಚಿವ ಸತೀಶ ಜಾರಕಿಹೊಳಿ ಹೇಳಿದರು.
ನಗರದ ವಕೀಲರ ಸಂಘದಲ್ಲಿ ಮಾತನಾಡಿದ ಅವರು ಗೋಕಾಕ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಲಖನ್ ಜಾರಕಿಹೊಳಿ ಅವರನ್ನು ಚುನಾವಣೆಗೆ ನಿಲ್ಲಿಸಲಾಗಿದೆ. ಅವರು ಉತ್ಸಾಹಿ ಮತ್ತು ಯುವರಾಜಕಾರಣಿಯಾಗಿದ್ದು ಸ್ಥಳಿಯ ಸಮಸ್ಯೆಗಳಿಗೆ ಸ್ಪಂಧಿಸುತ್ತಾರೆ ಎಂದ ಅವರು ಡಿ. 5 ರಂದು ನಡೆಯಲಿರುವ ಗೋಕಾಕ ಉಪಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿಗೆ ಮತಹಾಕಿ ಆರಿಸಿ ತರಬೇಕಾಗಿ ಎಂದು ವಿನಂತಿಸಿದರು.
ಗೋಕಾಕದಲ್ಲಿ ರಾಜಕೀಯ ಬದಲಾವಣೆಯಿಂದ ಬಹಳಷ್ಟು ಸಮಸ್ಯೆಗಳಿಗೆ ಕೊನೆಗಾಣಿಸಬಹುದು. ಈ ಬಾರಿ ಸಿಕ್ಕಿರುವ ಅವಕಾಶ ಮತ್ತೆ ಸಿಗುವುದು ಕಷ್ಟ, ಕ್ಷೇತ್ರದ ಅಭಿವೃದ್ಧಿ ಎಲ್ಲ ಸಮಾಜದವರ ಹಿತದೃಷ್ಟಿಯಿಂದ ಮತವನ್ನು ಚಲಾಯಿಸಿ ಎಂದು ಮನವಿ ಮಾಡಿಕೊಂಡ ಅವರು ಕಾಂಗ್ರೆಸ್ ಅಭ್ಯರ್ಥಿ ಲಖನ್ ಜಾರಕಿಹೊಳಿ ಅವರನ್ನು ಅಂತರ ಮತಗಳಿಂದ ಗೆಲ್ಲಿಸಲು ನಿಮ್ಮ ಸಹಕಾರ ಅಗತ್ಯ ಎಂದರು.
ಎಸ್. ಎಸ್. ಪಾಟೀಲ, ವಿ.ಎಸ್. ಗಡೆನ್ನವರ್, ಎಮ್.ಎಸ್. ಹತ್ತಿಕಟಗಿ, ಬಿ.ಆರ್. ಕೊಪ್ಪ, ಎಚ್.ಬಿ. ಸಂಘಟಿ, ಎಸ್. ಕೆ. ಹಿರೇಹಟ್ಟಿ ಸೇರಿದಂತೆ ಇತರರು ಇದ್ದರು.