ಗೋಕಾಕ:ಹಸಿರು ಗೋಕಾಕಗಾಗಿ ಒಂದು ದಿನ :ಕಾರ್ಯಕ್ರಮದಲ್ಲಿ ಎಲ್ಲರೂ ಸ್ವಯಂ ಪ್ರೇರಿತವಾಗಿ ಭಾಗವಹಿಸಿ ಮುರಘರಾಜೇಂದ್ರ ಶ್ರೀ
ಹಸಿರು ಗೋಕಾಕಗಾಗಿ ಒಂದು ದಿನ :ಕಾರ್ಯಕ್ರಮದಲ್ಲಿ ಎಲ್ಲರೂ ಸ್ವಯಂ ಪ್ರೇರಿತವಾಗಿ ಭಾಗವಹಿಸಿ ಮುರಘರಾಜೇಂದ್ರ ಶ್ರೀ
ಗೋಕಾಕ ಅ: 5 ಹಸಿರು ಗೋಕಾಕಗಾಗಿ ಒಂದು ದಿನ ಒಂದೇ ದಿನ 25 ಸಾವಿರ ಸಸಿಗಳನ್ನು ನೆಡುವ ಕಾರ್ಯಕ್ರಮಕ್ಕೆ ಎಲ್ಲರೂ ಸ್ವಯಂ ಪ್ರೇರಿತವಾಗಿ ಭಾಗವಹಿಸಬೇಕೆಂದು ಶೂನ್ಯ ಸಂಪಾದನ ಮಠದ ಮ.ನಿ.ಪ್ರ ಶ್ರೀ ಮುರಘರಾಜೇಂದ್ರ ಮಹಾಸ್ವಾಮಿಗಳು ಹೇಳಿದರು
ಅವರು ಶನಿವಾರದಂದು ಶ್ರೀಮಠದ ಸಭಾ ಗೃಹದಲ್ಲಿ ಕರ್ನಾಟಕ ರಕ್ಷಣಾ ವೇದಿಕೆ ತಾಲೂಕ ಘಟಕದ ಆಶ್ರಯದಲ್ಲಿ ಒಂದೇ ದಿನ 25 ಸಾವಿರ ಸಸಿ ನೆಡುವ ಕಾರ್ಯಕ್ರಮದ ಅಂಗವಾಗಿ ವಿವಿಧ ಸಂಘಟನೆಗಳ ವಿವಿಧ ಇಲಾಖೆಗಳ ಪ್ರಮುಖ ಸಭೆಯಲ್ಲಿ ದಿವ್ಯ ಸಾನಿಧ್ಯ ವಹಿಸಿ ಮಾತನಾಡಿದರು.
ಆಗಷ್ಟ 13 ರಂದು ನಡೆಯುವ ಕಾರ್ಯಕ್ರಮದಲ್ಲಿ ನಗರದಲ್ಲಿ ಸುಮಾರು 500 ಸಸಿ, ತಾಲ್ಲೂಕಿನ ಮಕ್ಕಳಗೇರಿ, ಪಿ.ಜಿ ಹುಣಶ್ಯಾಳ, ಕಳ್ಳಿಗುದ್ದಿ, ಕೊಣ್ಣೂರ, ಅಕ್ಕತಂಗೇರಹಾಳ, ಮಮದಾಪೂರ, ತವಗ, ಕೊಳವಿ, ಖನಗಾಂವ, ಶಿಲ್ತಿಭಾಂವಿ, ಮದವಾಲ, ಮಿಡಕನಟ್ಟಿ, ಹಳ್ಳೂರ, ವಡೇರಹಟ್ಟಿ, ಹಾಗೂ ಗೋಕಾಕ ನಗರದಲ್ಲಿ ಸೇರಿದಂತೆ ಇನ್ನಿತರ ಕಡೆಗಳಿಗೆ ಒಂದೇ ದಿನ 25000 ಸಾವಿರ ಸಸಿ ನೆಡುವ ಸಂಕಲ್ಪ ಹೊಂದಲಾಗಿದೆ. ತಾಲ್ಲೂಕಿನ ಜನತೆ ಈ ಕಾರ್ಯಕ್ರಮದಲ್ಲಿ ಪಾಲ್ಗೋಂಡು ಪರಿಸರ ಸಂರಕ್ಷಣೆ ಮಾಡಿ ಸಸಿಗಳನ್ನು ಉಳಿಸಿ ಬೆಳಸಲು ಕಂಕಣಬದ್ಧವಾಗಬೇಕು.
ಇದರ ಪ್ರಚಾರಾರ್ಥವಾಗಿ ದಿನಾಂಕ: 11/08/2017 ರಂದು ನಗರದಲ್ಲಿ ಜಾಗೃತಿ ಜಾಥಾ ಹಮ್ಮಿಕೊಳ್ಳಲಾಗಿದೆ. ದಿ:08/08/2017 ರಿಂದ ಗ್ರಾಮೀಣ ಭಾಗಗಳಲ್ಲಿ ಸಂಚರಿಸಿ ಕಾರ್ಯಕ್ರಮ ಬಗ್ಗೆ ಅರಿವು ಮೂಡಿಸಲಾಗುವುದೆಂದು ಶ್ರೀಗಳು ಹೇಳಿದರು.
ಸಭೆಯಲ್ಲಿ ನಗರಸಭೆಯ ಪರಿಸರ ಅಭಿಯತರು ಗಜಾಕೋಶ, ಅರಣ್ಯಾಧಿಕಾರಿಗಳಾದ ಹಣಮಂತ ಇಂಗಳಗಿ , ಸತೀಶ ಮುಗರವಾಡಿ, ಚನ್ನಪ್ಪಾ ಗೌಡಿ, ಕರವೇ ಕಾರ್ಯದರ್ಶಿ ಸಾಧಿಕ ಹಲ್ಯಾಳ, ಛಾಯಾ ಗ್ರಾಹಕ ಸಂಘದ ಲಕ್ಷ್ಮಣ ಯಮಕನಮರಡಿ, ಕೃಷ್ಣಾ ಖಾನಪ್ಪನವರ, ಮುಗುಟ ಪೈಲವಾನ, ಮಹಾದೇವ ಮಕ್ಕಳಗೇರಿ ಹನೀಫಸಾಬ ಸನದಿ, ಶಟ್ಟೇಪ್ಪ ಗಾಡಿವಡ್ಡರ, ರಮೇಶ ಕಮತಿ, ಮಲ್ಲಪ್ಪ ತೈಲಪ್ಪಗೋಳ, ರಮೇಶ ಮೇಸ್ತ್ರಿ, ಮುತ್ತೆಪ್ಪಾ ಘೋಡಗೇರಿ, ರಾಜು ಹೊಸಮನಿ, ಫಕೀರಪ್ಪ ಗಣಚಾರಿ, ಸೇರಿದಂತೆ ಇತರರು ಉಪಸ್ಥಿತ ಇದ್ದರು.