ಗೋಕಾಕ:ಕಳ್ಳ ಭಟ್ಟಿ ಸಾರಾಯಿ ಮಾರಾಟ ಐವರ ಬಂಧನ : ಅಂಕಲಗಿ ಪೋಲಿಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ
ಕಳ್ಳ ಭಟ್ಟಿ ಸಾರಾಯಿ ಮಾರಾಟ ಐವರ ಬಂಧನ : ಅಂಕಲಗಿ ಪೋಲಿಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ
ನಮ್ಮ ಬೆಳಗಾವಿ ಇ – ವಾರ್ತೆ , ಗೋಕಾಕ ಮಾ 27 :
ಕಳ್ಳ ಭಟ್ಟಿ ಸಾರಾಯಿ ಮಾರಾಟ ಮಾಡುವಾಗ ಐವರು ಸಿಕ್ಕಿ ಬಿದ್ದ ಪ್ರಕರಣ ತಾಲೂಕಿನ ಅಂಕಲಗಿ ಪೋಲಿಸ್ ಠಾಣಾ ವ್ಯಾಪ್ತಿಯಲ್ಲಿ ಬೆಳಕಿಗೆ ಬಂದಿದೆ.
ತಾಲೂಕಿನ ಮಲ್ಲಾಪೂರ ಎಸ್.ಎ. ಗ್ರಾಮದ ಕೆರಿ ಬಸವಣ್ಣ ದೇವಸ್ಥಾನದ ಹಿಂಬದಿಯ ಅರಣ್ಯ ಪ್ರದೇಶದಲ್ಲಿ ಸಾರಾಯಿ ಮಾರಾಟ ಮಾಡುವಾಗ ಖಚಿತ ಮಾಹಿತಿ ಮೇರೆಗೆ ಅಂಕಲಗಿ ಪೋಲಿಸರು ಹಠಾತ್ ದಾಳಿ ಮಾಡಿ ಐವರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ತುಂಬಿದ 3 ರಬ್ಬರ ಟ್ಯೂಬಗಳಲ್ಲಿಯ ಸಾರಾಯಿ ಮಾರುತ್ತಿದ್ದರೆನ್ನಲಾದ ದಾವಲಟ್ಟಿಯ ಭೀಮಪ್ಪಾ ಮುದ್ದಪ್ಪಾ ಮುದ್ದವ್ವಗೋಳ, ಲಗಮೇಶ್ವರ ಗ್ರಾಮದವರಾದ ಬಾಳಪ್ಪಾ ಭೀಮಪ್ಪಾ ಬಸರೀಮರದ, ಲಕ್ಷ್ಮಣ ಭೀಮಪ್ಪಾ ತಳವಾರ, ರಾಮಚಂದ್ರ ಭೀಮಪ್ಪಾ ತಳವಾರ, ಕರಗುಪ್ಪಿ ಗ್ರಾಮದ ಆನಂದ ಮಾರುತಿ, ಗುಟಗುದ್ದಿ ಈ ಐವರ ಮೇಲೆ ಅಬಕಾರಿ ಕಾಯ್ದೆಯನ್ವಯ ಅಂಕಲಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.