ಮೂಡಲಗಿ:ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರ ಶ್ರಮದ ಫಲದಿಂದ ನಮ್ಮ ಭಾಗವು ನಂದನವನವಾಗುತ್ತಿದೆ : ಕೆ. ಕೆ. ಬಂಡ್ರೋಳ್ಳಿ
ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರ ಶ್ರಮದ ಫಲದಿಂದ ನಮ್ಮ ಭಾಗವು ನಂದನವನವಾಗುತ್ತಿದೆ : ಕೆ. ಕೆ. ಬಂಡ್ರೋಳ್ಳಿ
ನಮ್ಮ ಬೆಳಗಾವಿ ಇ – ವಾರ್ತೆ , ಮೂಡಲಗಿ ಸೆ 23 :
ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರು ಅರಭಾಂವಿ ಮತಕ್ಷೇತ್ರದ ಸರ್ವಾಂಗೀಣ ಅಭಿವೃದ್ಧಿಗೆ ಶ್ರಮಿಸುತ್ತಿದ್ದು, ಇವರ ಶ್ರಮದ ಫಲದಿಂದ ನಮ್ಮ ಭಾಗವು ನಂದನವನವಾಗುತ್ತಿದೆ ಎಂದು ಪ್ರಭಾ ಶುಗರ್ ನಿರ್ದೇಶಕ ಕೆ. ಕೆ. ಬಂಡ್ರೋಳ್ಳಿ ಹೇಳಿದರು.
ಇಲ್ಲಿಗೆ ಸಮೀಪದ ಗುಜನಟ್ಟಿ ಗ್ರಾಮದಲ್ಲಿ ಬುಧವಾರದಂದು 11ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣಗೊಳ್ಳಲಿರುವ ಶಾಲಾ ಕೊಠಡಿಗೆ ಗುದ್ದಲಿ ಪೂಜೆ ನೆರವೇರಿಸಿ ಅವರು ಮಾತನಾಡಿದರು.
ಗುಜನಟ್ಟಿ ಗ್ರಾಮದ ಅಭಿವೃದ್ಧಿಗಾಗಿ ಸರಕಾರದ ವಿವಿಧ ಯೋಜನೆಗಳನ್ನು ಅನುಷ್ಠಾನ ಮಾಡಿದ್ದಾರೆ. ನಮ್ಮದು ಚಿಕ್ಕ ಗ್ರಾಮವಾದರೂ ಜನರಿಗೆ ಬೇಕಾದ ಎಲ್ಲ ರೀತಿಯ ಅನುಕೂಲಗಳನ್ನು ಕಲ್ಪಿಸಿಕೊಟ್ಟು ಎಲ್ಲರನ್ನು ಒಂದೇ ಎಂಬ ಭಾವನೆಯಿಂದ ನೋಡುತ್ತಾ, ಸಾಮಾಜಿಕ ನ್ಯಾಯದ ರೂವಾರಿಯಾಗಿದ್ದಾರೆಂದು ತಿಳಿಸಿದರು.
ತಾ. ಪಂ. ಮಾಜಿ ಸದಸ್ಯ ಸಾಬಪ್ಪ ಬಂಡ್ರೋಳಿ ಮಾತನಾಡಿ ಬಾಲಚಂದ್ರ ಜಾರಕಿಹೊಳಿ ಅವರು ಶಿಕ್ಷಣ ಕ್ಷೇತ್ರದಲ್ಲಿ ಅದ್ವಿತೀಯ ಸೇವೆಮಾಡುತ್ತಿದ್ದಾರೆ. ಕೊರೋನಾದಂಥ ಕಷ್ಟದ ದಿನಗಳಲ್ಲಿ ಇಡೀ ಕ್ಷೇತ್ರದ ಪ್ರತಿ ಕುಟುಂಬಕ್ಕೆ ಆಹಾರ ಪದಾರ್ಥಗಳನ್ನು ಪೂರೈಸಿದ್ದಾರೆ. ಸೋಂಕಿನಿಂದ ಬಳಲುತ್ತಿರುವವರಿಗೆ ಮೆಡಿಕಲ್ ಕಿಟ್ ಮತ್ತು ಅಗತ್ಯವಿರುವ ದಿನ ಬಳಕೆಯ ವಸ್ತುಗಳನ್ನು ನೀಡುತ್ತಾ ಮಾನವೀಯ ಮೌಲ್ಯಗಳಿಗೆ ಸಾಕ್ಷಿಯಾಗಿದ್ದಾರೆಂದು ಹೇಳಿದರು.
ಈ ಸಂದರ್ಭದಲ್ಲಿ ಕಲ್ಲಪ್ಪ ತುಬಚಿ, ಸದಾಶಿವ ಮಂಟೂರ, ಬಸವರಾಜ ಕಸ್ತೂರಿ, ಬಸು ಬಂಡ್ರೊಳಿ, ಭೀಮಪ್ಪ ತುಬಚಿ, ಶಾಲೆಯ ಪ್ರಧಾನ ಗುರುಗಳು, ಮುಖಂಡರು ಇದ್ದರು.