ಗೋಕಾಕ:ದುಶ್ಮನ ಕಹಾ ಹೈ ಅಂದರೆ ಊರ ತುಂಬಾ ಹೈ : ರಮೇಶ ಜಾರಕಿಹೊಳಿ ಅಭಿಮಾನಿಯಿಂದ ರೀಕ್ಷಾ ಮೇಲೆ ಬ್ಯಾನರ್ ಹಾಕಿ ವಿನೂತನ ಪ್ರತಿಭಟನೆ
ದುಶ್ಮನ ಕಹಾ ಹೈ ಅಂದರೆ ಊರ ತುಂಬಾ ಹೈ : ರಮೇಶ ಜಾರಕಿಹೊಳಿ ಅಭಿಮಾನಿಯಿಂದ ರೀಕ್ಷಾ ಮೇಲೆ ಬ್ಯಾನರ್ ಹಾಕಿ ವಿನೂತನ ಪ್ರತಿಭಟನೆ
ನಮ್ಮ ಬೆಳಗಾವಿ ಇ – ವಾರ್ತೆ, ಗೋಕಾಕ ಮಾ 6 :
ಕಳೆದ ನಾಲ್ಕು ದಿನಗಳಿಂದ ಗೋಕಾಕ ತಾಲೂಕಿನಾದ್ಯಂತ ಶಾಸಕ ರಮೇಶ ಜಾರಕಿಹೊಳಿ ಅವರ ಸಿ.ಡಿ ಪ್ರಕರಣದ ತನಿಖೆಯಾಗುವಂತೆ ಒತ್ತಾಯಿಸಿ ಅವರ ಅಭಿಮಾನಿ ಬಳಗದವರು ವಿವಿಧ ರೀತಿಯಲ್ಲಿ ಪ್ರತಿಭಟನೆಗಳನ್ನು ಮಾಡುತಾ ಬರುತ್ತಿದ್ದಾರೆ. ಈ ಪ್ರತಿಭಟನೆಗಳ ಮದ್ಯ ಶಾಸಕರ ಕೆಲ ಅಭಿಮಾನಿಗಳು ಆತ್ಮಹತ್ಯೆಗೆ ಯತ್ನಿಸಿದ ಘಟನೆಗಳು ಸಹ ಜರುಗಿವೆ ಆದರೆ ಇಲ್ಲೊಬ್ಬ ಶಾಸಕರ ಕಟ್ಟಾ ಅಭಿಮಾನಿ ಈ ಎಲ್ಲವನ್ನು ಹೊರೆತು ಪಡಿಸಿ ಸೈಲೆಂಟಾಗಿ ವಿನೂತನ ರೀತಿಯಲ್ಲಿ ತಮ್ಮ ಶಾಸಕರ ಮೇಲಿನ ಅಭಿಮಾನವನ್ನು ಹೊರಹಾಕಿದ್ದಾನೆ.
ನಗರದ ರೀಕ್ಷಾ ಚಾಲಕ ಮೈನೊದ್ದೀನ ಪಾತ್ರಿ. ರಮೇಶ ಜಾರಕಿಹೊಳಿ ಅವರ ಕಟ್ಟಾ ಅಭಿಮಾನಿ ಆಗಿರುವ ಇತನು ತನ್ನ ರೀಕ್ಷಾದ ಹಿಂದೆ ” ನಮ್ಮನ್ನು ಕಂಡ್ರೆ ಉರ್ಕೋಳ್ಳೋವರ ಒಬ್ರಾ ಇಬ್ರಾ , ದುಶ್ಮನ ಕಹಾ ಹೈ ಅಂದರೆ ಊರ ತುಂಬಾ ಹೈ”. ಎಂಬ ಬ್ಯಾನರ್ ಹಾಕುವ ಮೂಲಕ ಸಿ.ಡಿ ಪ್ರಕರಣವನ್ನು ವಿನೂತನ ರೀತಿಯಲ್ಲಿ ಖಂಡಿಸಿದ್ದಾನೆ.ಇವನ ಈ ವಿನೂತನ ರೀತಿಯ ಖಂಡನೆಯು ನಗರದಾದ್ಯಂತ ಭಾರಿ ಪ್ರಚಾರ ಪಡೆದುಕೊಂಡಿದೆ.