ಗೋಕಾಕ:ದಿ. 16 ರಂದು ಶ್ರೀ ಸಂಕಷ್ಟಹರ ಪ್ರಸನ್ನ ಗಣಪತಿಯ 9 ವರ್ಷದ ಉತ್ಸವ : ವೇದಮೂರ್ತಿ ಶ್ರೀ ವಿಜಯ ಸ್ವಾಮಿಜೀ ಮಾಹಿತಿ
ದಿ. 16 ರಂದು ಶ್ರೀ ಸಂಕಷ್ಟಹರ ಪ್ರಸನ್ನ ಗಣಪತಿಯ 9 ವರ್ಷದ ಉತ್ಸವ : ವೇದಮೂರ್ತಿ ಶ್ರೀ ವಿಜಯ ಸ್ವಾಮಿಜೀ ಮಾಹಿತಿ
ನಮ್ಮ ಬೆಳಗಾವಿ ಇ – ವಾರ್ತೆ, ಗೋಕಾಕ ಸೆ 14 :
ನಗರದ ಅಂಬಿಗೇರ ಓಣಿಯಲ್ಲಿ ಪ್ರತಿಷ್ಠಾಪಿಸಲಾಗಿರುವ ಶ್ರೀ ಸಂಕಷ್ಟಹರ ಪ್ರಸನ್ನ ಗಣಪತಿಯ 9 ವರ್ಷದ ಉತ್ಸವ ಗುರುವಾರ ದಿ. 16 ರಂದು ಜರುಗಲಿದೆ ಎಂದು ಶ್ರೀ ಸಂಕಷ್ಟಹರ ಪ್ರಸನ್ನ ಗಣಪತಿಯ ಸಂಸ್ಥಾಪಕ ವೇದಮೂರ್ತಿ ಶ್ರೀ ವಿಜಯ ಸ್ವಾಮಿಗಳು ತಿಳಿಸಿದ್ದಾರೆ.
ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ಲೋಕ ಕಲ್ಯಾಣಕ್ಕಾಗಿ ಕಳೆದ 9 ವರ್ಷಗಳಿಂದ ನೈಸರ್ಗಿಕವಾಗಿ ಹುತ್ತಿನ ಮಣ್ಣು, ಅರಶಿನ, ಕುಂಕುಮದಿಂದ ಮನೆಯಲ್ಲಿಯೇ ತಯಾರಿಸಿ ಗಣಪತಿಯನ್ನು ಪ್ರತಿಷ್ಠಾಪಿಸಲಾಗುತ್ತಿದ್ದು, ಗುರುವಾರದಂದು ಮುಂಜಾನೆ 8 ಘಂಟೆಗೆ ಜರುಗುವ ಉತ್ಸವದ ನಿಮಿತ್ಯವಾಗಿ ಚಿಕ್ಕ ಮಕ್ಕಳಿಗೆ ಅಕ್ಷರಭ್ಯಾಸ ಸ್ವರ್ಧೆ, ಗಣಹೋಮ , ಮುತೈದಿಯರಿಗೆ ಉಡಿ ತುಂಬುವ ಕಾರ್ಯಕ್ರಮ ಹಾಗೂ ಮಹಾಪ್ರಸಾದ ಏರ್ಪಡಿಸಲಾಗಿದ್ದು, ಸಧ್ಭಕ್ತರು ಸರಕಾರದ ಕೊರೋನಾ ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪಾಲಿಸಿ ಈ ಉತ್ಸವದಲ್ಲಿ ಪಾಲ್ಗೊಂಡು ಉತ್ಸವವನ್ನು ಯಶಸ್ವಿಗೊಳಿಸಬೇಕೆಂದು ವೇದಮೂರ್ತಿ ಶ್ರೀ ವಿಜಯ ಸ್ವಾಮಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.