ಘಟಪ್ರಭಾ:ಇಬ್ಬರು ಬೈಕ್ ಕಳ್ಳರಿಂದ 11 ಬೈಕ್ ಪೊಲೀಸರ ವಶಕ್ಕೆ
ಇಬ್ಬರು ಬೈಕ್ ಕಳ್ಳರಿಂದ 11 ಬೈಕ್ ಪೊಲೀಸರ ವಶಕ್ಕೆ
ನಮ್ಮ ಬೆಳಗಾವಿ ಇ – ವಾರ್ತೆ, ಘಟಪ್ರಭಾ ಅ 9 :
ಬೈಕ್ ಕಳ್ಳತನ ಮಾಡಿ ಮಾರಾಟ ಮಾಡುತ್ತಿದ್ದ ಇಬ್ಬರು ಕಳ್ಳರನ್ನು ಬಂಧಿಸಿ ಆರೋಪಿಗಳಿಂದ ಸುಮಾರು 4 ಲಕ್ಷ ವೆಚ್ಚದ 11 ಬೈಕ್‍ಗಳನ್ನು ಘಟಪ್ರಭಾ ಪೊಲೀಸರು ಕಳ್ಳರಿಂದ ವಶಪಡಿಸಿಕೊಂಡಿದ್ದಾರೆ.
ಕಳ್ಳತನ ಮಾಡಿ ಸಿಕ್ಕಿ ಬಿದ್ದ ಆರೋಪಿಗಳು ಪಾಮಲದಿನ್ನಿ ಗ್ರಾಮದ ಸುರೇಶ ಬಸಪ್ಪಾ ಗಾಡಿವಡ್ಡರ ಹಾಗೂ ಅವುಜಿಕರ ಪರಶುರಾಮ ಗಾಡಿವಡ್ಡರ ಎಂದು ತಿಳಿದು ಬಂದಿದ್ದು ಅವರಿಂದ 10 ಸ್ಪ್ಲಂಡರ್ ಪ್ಲಸ್ ಹಾಗೂ 1 ಯಮಹಾ ಬೈಕ್‍ಗಳನ್ನು ವಶಪಡಿಸಿಕೊಂಡು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ಘಟಪ್ರಭಾ ಪೊಲೀಸ್ ಠಾಣೆಯ ಸಿ.ಪಿ.ಐ ಶ್ರೀಶೈಲ ಬ್ಯಾಕೂಡ ಹಾಗೂ ಸಿಬ್ಬಂದಿ ಈ ಕಾರ್ಯಚರಣೆಯಲ್ಲಿ ಭಾಗಿಯಾಗಿದ್ದಾರೆ.