ಗೋಕಾಕ:ಕಾರ್ಮಿಕರಿಗೆ ಎಲೆಕ್ಟ್ರಿಕಲ್ , ಪ್ಲಂಬಿಂಗ್ ಕಿಟ್ ವಿತರಿಸಿ ಶಾಸಕ ರಮೇಶ ಜಾರಕಿಹೊಳಿ 

ಕಾರ್ಮಿಕರಿಗೆ ಎಲೆಕ್ಟ್ರಿಕಲ್ ,ಪ್ಲಂಬಿಂಗ್  ಕಿಟ್ ವಿತರಿಸಿ ಶಾಸಕ ರಮೇಶ ಜಾರಕಿಹೊಳಿ

ನಮ್ಮ ಬೆಳಗಾವಿ ಇ – ವಾರ್ತೆ, ಗೋಕಾಕ  ಜ 27 :

ಕಾರ್ಮಿಕರು ಸರ್ಕಾರ ನೀಡಿದ ಈ ಸವಲತ್ತುಗಳನ್ನು  ಸದುಪಯೋಗ ಪಡೆಸಿಕೊಂಡು ಕುಟುಂಬದ ಆದಾಯ ಹೆಚ್ಚಿಸಿಕೊಳ್ಳುವ ರೀತಿಯಲ್ಲಿ ದುಡಿಮೆಯಲ್ಲಿ ತೊಡಗಿಸಿಕೊಳ್ಳುವಂತೆ ಶಾಸಕ ರಮೇಶ ಜಾರಕಿಹೊಳಿ ಕರೆ ನೀಡಿದರು.
 

ಗುರುವಾರದಂದು ನಗರದ  ಶಾಸಕರ ಕಾರ್ಯಾಲಯದಲ್ಲಿ ಕಾರ್ಮಿಕ ಇಲಾಖೆಯಿಂದ   ಕಟ್ಟಡ,  ಎಲೆಕ್ಟ್ರಿಕಲ್ , ಪ್ಲಂಬಿಂಗ್   ಹಾಗೂ  ಬಡಿಗೇರ ಕಾರ್ಮಿಕರಿಗೆ ಮಂಜೂರಾದ ಕಿಟಗಳನ್ನು  ವಿತರಣೆ ಮಾಡಿ ಅವರು ಮಾತನಾಡಿದರು .

ಸರಕಾರದಿಂದ ಗೋಕಾಕ ಮತಕ್ಷೇತ್ರಕ್ಕೆ 6 ನೂರು ಕಿಟಗಳು ಮಂಜೂರಾಗಿವೆ.  ಈ ಕಿಟ್‌ಗಳನ್ನು ಪ್ರತಿಯೊಬ್ಬ ಕಾರ್ಮಿಕರು ಸದುಪಯೋಗ ಪಡೆಸಿಕೊಂಡು ತಮ್ಮ ವೃತ್ತಿ ಜೀವನದಲ್ಲಿ ಮತ್ತಷ್ಟು ಸುಧಾರಿತ ನೈಪುಣ್ಯತೆಯೊಂದಿಗೆ ತಮ್ಮ  ಆದಾಯ ಹೆಚ್ಚಿಸಿಕೊಳ್ಳಬೇಕು. ಇನ್ನೂ ಹೆಚ್ಚಿನ ಜನರಿಗೆ ಕಿಟ್ ಅಗತ್ಯವಿದ್ದರೇ, ಸರ್ಕಾರದ ಗಮನಕ್ಕೆ ತಂದು ಈ ಸೌಲಭ್ಯ ನೀಡುವ ಪ್ರಯತ್ನ ಮಾಡಲಾಗುತ್ತದೆ.

ಈ ಹಿಂದೆ ಯಾವುದೇ ಸರ್ಕಾರ ಈ ರೀತಿ ಕಿಟ್ ವಿತರಣೆ ಮಾಡಿರಲಿಲ್ಲ. ನಮ್ಮ ಸರ್ಕಾರ ಬಡ ಕಾರ್ಮಿಕರಿಗಾಗಿ ಕಿಟ್ ಮೂಲಕ ನೆರವಾಗಿದೆಂದು ಹೇಳಿದರು.

ಈ ಸಂದರ್ಭದಲ್ಲಿ ಜಿ.ಪಂ ಮಾಜಿ ಸದಸ್ಯರುಗಳಾದ ಟಿ.ಆರ್.ಕಾಗಲ, ಮಡೆಪ್ಪ ತೋಳಿನವರ , ಕಾರ್ಮಿಕ ಅಧೀಕ್ಷಕ ಪಾಂಡುರಂಗ ಮಾವರಕರ,ನರಗಸಭೆ ಅಧ್ಯಕ್ಷ ಜಯಾನಂದ ಹುಣಚ್ಯಾಳಿ, ಉಪಾಧ್ಯಕ್ಷ ಬಸವರಾಜ ಆರೆನ್ನವರ, ಲಕ್ಷ್ಮೀಕಾಂತ ಎತ್ತಿನಮನಿ ಉಪಸ್ಥಿತರಿದ್ದರು

.