ಚಿಕ್ಕೋಡಿ:ಪ್ರಾಣದ ಹಂಗು ತೋರೆದು ನಾಲ್ಕು ಮಕ್ಕಳ ಜೀವ ರಕ್ಷಿಸಿದ ಧೀರ ಮಹಿಳೆ ನೂರಜಾನ
ಪ್ರಾಣದ ಹಂಗು ತೋರೆದು ನಾಲ್ಕು ಮಕ್ಕಳ ಜೀವ ರಕ್ಷಿಸಿದ ಧೀರ ಮಹಿಳೆ ನೂರಜಾನ
ಚಿಕ್ಕೋಡಿ ಅ 4: ನದಿಯಲ್ಲಿ ಕೋಚ್ಚಿ ಹೋಗುತ್ತಿದ್ದ ನಾಲ್ಕು ಜನ ಮಕ್ಕಳನ್ನು ಓರ್ವ ಮಹಿಳೆ ತನ್ನ ಪ್ರಾಣದ ಹಂಗು ತೋರೆದು ರಕ್ಷಿಸಿದ ಘಟನೆ ಮಲ್ಲಿಕವಾಡ ಗ್ರಾಮದ ದೂಧಗಂಗಾ ನದಿಯಲ್ಲಿ ನಡೆದಿದೆ.
ಎರಡು ದಿನದ ಹಿಂದೆ ಚಿಕ್ಕೋಡಿ ತಾಲೂಕಿನ ಮಲ್ಲಿಕವಾಡ ಗ್ರಾಮದ ಬಳಿ ಇರುವ ದೂದಗಂಗಾ ನದಿಯಲ್ಲಿ ಈ ಘಟನೆ ಜರುಗಿದೆ. ನೂರಜಾನ ಅಪರಾಜ್‌ ಎಂಬ ಮಹಿಳೆ ಮಕ್ಕಳನ್ನು ರಕ್ಷಿಸಿ ಸಾಹಸ ಮೆರೆದವರು.
ಪರಶುರಾಮ ಕೋಳಿ (13), ದರ್ಶನ ಕೋಳಿ (9), ಪ್ರತಿಕ್ಷಾ ಮಾನೆ (10), ದಿಕ್ಷಾ ಮಾನೆ (9) ಎಂಬ ನಾಲ್ವರು ಮಕ್ಕಳ ಮಹಿಳೆಯಿಂದ ಬದುಕಿ ಬಂದಿದ್ದಾರೆ.
ಈ ನಾಲ್ಕು ಮಕ್ಕಳು ಮಸೋಬಾ ದೇವರ ದರ್ಶನವನ್ನು ಪಡೆದುಕೊಂಡು ಮರಳಿ ಬರುವ ಸಂದರ್ಭದಲ್ಲಿ ಆಯತಪ್ಪಿ ನದಿಗೆ ಬಿದ್ದಿದ್ದರು. ಈ ವೇಳೆ ಬಟ್ಟೆ ತೊಳೆಯುತ್ತಿದ್ದ ನೂರಜಾನ ಅಪರಾಜ್‌ ತನ್ನ ಪ್ರಾಣವನ್ನು ಲೆಕ್ಕಿಸದೆ ನಾಲ್ವರೂ ಮಕ್ಕಳನ್ನು ರಕ್ಷಣೆ ಮಾಡಿದ್ದಾರೆ. ಈ ಧೀರ ಮಹಿಳೆಯ ಕಾರ್ಯಕ್ಕೆ ಎಲ್ಲೆಡೆ ಶ್ಲಾಘನೆ ವ್ಯಕ್ತವಾಗುತ್ತಿದೆ