ಗೋಕಾಕ:ಜನರ ಆರ್ಶಿವಾದದಿಂದ ಈ ಬಾರಿ ಹೆಚ್ಚಿನ ಲೀಡ್ ಪಡೆದು ಮತ್ತೊಮ್ಮೆ ಶಾಸಕರನಾಗಿ ಆಯ್ಕೆಯಾಗುತ್ತೇನೆ : ಬಾಲಚಂದ್ರ ಜಾರಕಿಹೊಳಿ ವಿಶ್ವಾಸ
ಜನರ ಆರ್ಶಿವಾದದಿಂದ ಈ ಬಾರಿ ಹೆಚ್ಚಿನ ಲೀಡ್ ಪಡೆದು ಮತ್ತೊಮ್ಮೆ ಶಾಸಕರನಾಗಿ ಆಯ್ಕೆಯಾಗುತ್ತೇನೆ : ಬಾಲಚಂದ್ರ ಜಾರಕಿಹೊಳಿ ವಿಶ್ವಾಸ
ಗೋಕಾಕ ಮೇ 10 : ಜನರ ಆರ್ಶಿವಾದದಿಂದ ಈ ಬಾರಿ ಹೆಚ್ಚಿನ ಲೀಡ್ ಪಡೆದು ಮತ್ತೊಮ್ಮೆ ಶಾಸಕರನಾಗಿ ಆಯ್ಕೆಯಾಗುತ್ತೇನೆ ಎಂಬ ವಿಶ್ವಾಸ ವಿದೆ. ಜನರ ಆಶೆ ಈಡೇರಲಿ ಎಂದು ನಾನು ಸಹ ದೇವರಲ್ಲಿ ಪಾರ್ಥನೆ ಮಾಡುತ್ತೇನೆ ಎಂದು ಕೆಎಂಎಫ್ ಅಧ್ಯಕ್ಷ ಬಾಲಚಂದ್ರ ಜಾರಕಿಹೊಳಿ ಹೇಳಿದರು
ಬುಧವಾರದಂದು ನಗರದ ಸರಕಾರಿ ಹಿರಿಯ ಪ್ರಾಥಮಿಕ ಗಂಡು ಮಕ್ಕಳ ಶಾಲೆ ನಂ 3 ,ಮತಗಟ್ಟೆ ಸಂಖ್ಯೆ 131 ರಲ್ಲಿ ಮತದಾನ ಮಾಡಿ ಪತ್ರಕರ್ತರೊಂದಿಗೆ ಅವರು ಮಾತನಾಡಿದರು.
ಬೆಳಗಾವಿ ಜಿಲ್ಲೆಯಲ್ಲಿ ಅತಿ ಹೆಚ್ಚಿನ ಕ್ಷೇತ್ರಗಳಲ್ಲಿ ಭಾರತೀಯ ಜನತಾ ಪಾರ್ಟಿ ಹೆಚ್ಚಿನ ಸ್ಥಾನಗಳನ್ನು ಗೆದ್ದು, ರಾಜ್ಯದಲ್ಲಿ ಮತ್ತೊಮ್ಮೆ ಭಾರತೀಯ ಜನತಾ ಪಾರ್ಟಿಯ ಸರಕಾರ ಬರಲಿದೆ ಎಂದ ಅವರು ಪ್ರಧಾನಿ ನರೇಂದ್ರ ಮೋದಿ ಅವರು ಪ್ರಚಾರದ ತಮ್ಮ ಭಾಷಣದಲ್ಲಿ ಪ್ರತಿಭಾರಿ ಈ ಭಾರಿ ಬಹುಮತದ ಬಿಜೆಪಿ ಸರಕಾರ ಎಂದು ಹೇಳುತ್ತಾ ಬಂದಿದ್ದಾರೆ. ಮೋದಿ ಅವರ ಈ ಮಾತು ಮೇ 13 ರಂದು ನಿಜವಾಗುತ್ತದೆ ಎಂದು ಹೇಳಿದರು. ಜನರ ಆರ್ಶಿವಾದ, ಪ್ರೀತಿ ಎಲ್ಲಿಯವರೆಗೆ ಇರುತ್ತದೆ ಅಲ್ಲಿಯವರೆಗೆ ರಾಜಕಾರಣ ಮಾಡುತ್ತೇನೆ ಜನ ಬೇಡ ಅಂದರೆ ಸುಮ್ಮನೆ ಇರುತ್ತೇನೆ. ಮೇ 13 ರಂದು ಫಲಿತಾಂಶ ಬಂದ ಮೇಲೆ ನಾವೇ ಸರಕಾರ ಮಾಡುತ್ತೇವೆ ಎಂದು ಕೆಎಂಎಫ್ ಅಧ್ಯಕ್ಷ ಬಾಲಚಂದ್ರ ಜಾರಕಿಹೊಳಿ ವಿಶ್ವಾಸ ವ್ಯಕ್ತಪಡಿಸಿದರು.