ಗೋಕಾಕ:ಸಂಸತ್ ಕಲಾಪದಲ್ಲಿ ಭಾಗಿ : ಅಮಿತ ಶಾ ಇಂದು ಗೋಕಾಕಕ್ಕೆ ಬರೊಲ್ಲ.
ಸಂಸತ್ ಕಲಾಪದಲ್ಲಿ ಭಾಗಿ : ಅಮಿತ ಶಾ ಇಂದು ಗೋಕಾಕಕ್ಕೆ ಬರೊಲ್ಲ.
ಗೋಕಾಕ ಏ 2 :ಕರ್ನಾಟಕ ವಿಧಾನ ಸಭೆ ಚುನಾವಣೆ ಹಿನ್ನೆಲೆ ಇಂದು ಗೋಕಾಕಕ್ಕೆ ಬರಬೇಕಿದ್ದ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತಾ ಶಾ ಅವರು ಬಾಂಬೆ ಕರ್ನಾಟಕ ಭಾಗದ ಪ್ರವಾಸ ಕೊನೆ ಗಳಿಗೆಯಲ್ಲಿ ದಿಢೀರ್ ರದ್ದುಪಡಿಸಿದ್ದಾರೆ. ಸಂಸತ್ತಿನಲ್ಲಿ ಇಂದು ಮುಖ್ಯ ನ್ಯಾಯಮೂರ್ತಿ ( CJI) ವಿರುದ್ಧ ವಿಪಕ್ಷಗಳು ಮಹಾಭಿಯೋಗ ಮಂಡನೆ ಮಾಡುವುದರಿಂದ ಶಾ ಅವರು ಸಂಸತ್ ಕಲಾಪದಲ್ಲಿ ಪಾಲ್ಗೊಳ್ಳುವುದು ಅನಿವಾರ್ಯ ಆದುದರಿಂದ ರದ್ದುಗೊಂಡಿದೆ ಎಂದು ಮಾಹಿತಿ ಸಿಕ್ಕಿದೆ.
ಈ ಹಿನ್ನೆಲೆಯಲ್ಲಿ ಇಂದಿನಿಂದ ಎರಡು ದಿನ ನಡೆಯಬೇಕಿದ್ದ ಅಮಿತ್ ಚಾ ಬಾಂಬೆ ಕರ್ನಾಟಕ ಪ್ರವಾಸ ದಿಢೀರ್ ರದ್ದುಗೊಂಡಿದೆ.
ಚುನಾವಣಾ ಪ್ರಚಾರಕ್ಕಾಗಿ ಶಾ ಅವರು ನಿನ್ನೆ ರಾತ್ರಿಯೇ ಬೆಳಗಾವಿ ವಿಮಾನ ನಿಲ್ದಾಣಕ್ಕೆ ಬರಬೇಕಿತ್ತು.
ಸಾಂಬ್ರಾ ವಿಮಾನ ನಿಲ್ದಾಣಕ್ಕೆ ಭಾನುವಾರ ರಾತ್ರಿ 10:40ಕ್ಕೆ ಬರಬೇಕಿದ್ದ ಅವರು ಬರಲಿಲ್ಲ. ಕೊನೆ ಗಳಿಗೆಯಲ್ಲಿ ರದ್ದಾದ ಪ್ರವಾಸ ಬಿಜೆಪಿ ಕಾರ್ಯಕರ್ತರಿಗೆ ನಿರಾಶೆಯಾಯಿತು. ಗೋಕಾಕ , ಕಿತ್ತೂರು, ನಂದಗಡ, ಬೆಳಗಾವಿಗಳಲ್ಲಿ ಸಮಾರಂಭಗಳನ್ನು ಏರ್ಪಡಿಸಲಾಗಿತ್ತು. ಶಾ ಮತ್ತೆ ಏಪ್ರಿಲ್ 12& 13ಕ್ಕೆ ಮರು ಪ್ರವಾಸ ಕೈಗೊಳ್ಳಲಿದ್ದಾರೆ ಎಂದು ತಿಳಿದು ಬಂದಿದೆ
ಶಾ ಪ್ರವಾಸ ದಿಢೀರ್ ರದ್ದಾದ ಪರಿಣಾಮ ಭಾರಿ ತಯಾರಿಗಳನ್ನು ಮಾಡಿಕೊಂಡಿದ್ದ ಬಿಜೆಪಿ ನಾಯಕರಿಗೆ ನಿರಾಸೆಯನ್ನು ಮೂಡಿಸಿದೆ