ಸವದತ್ತಿ:ಸಚಿವ ಜಾರಕಿಹೊಳಿ ಆಪ್ತ ಆನಂದ ಛೋಪ್ರಾ ಹತ್ಯೆಗೆ ಯತ್ನ
ಸಚಿವ ಜಾರಕಿಹೊಳಿ ಆಪ್ತ ಆನಂದ ಛೋಪ್ರಾ ಹತ್ಯೆಗೆ ಯತ್ನ
ಸವದತ್ತಿ ಜು 29 : ಪೌರಾಡಳಿತ ಸಚಿವ ರಮೇಶ ಜಾರಕಿಹೊಳಿ ಅವರ ಆಪ್ತ ಸವದತ್ತಿ ತಾಲೂಕಿನ ಪ್ರಭಾವಿ ನಾಯಕ ಆನಂದ ಛೋಪ್ರಾ ಅವರ ಹತ್ಯೆಗೆ ದುಷ್ಕರ್ಮಿಗಳು ಯತ್ನ ನಡೆಸಿದ್ದಾರೆ
ನಿನ್ನೆ ತಡರಾತ್ರಿ ಹೂಲಿ ರಸ್ತೆ ಮೇಲೆ ಬೈಕ್ನಲ್ಲಿ ಸಂಚರಿಸುವಾಗ ದುಷ್ಕರ್ಮಿಗಳ ತಂಡ ದಾಳಿ ನಡೆಸಿದೆ. ಆನಂದ ಛೋಪ್ರಾ ತಲೆಗೆ ಗಂಭೀರ ಗಾಯವಾಗಿದ್ದು, ತಕ್ಷಣವೇ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಬಂಡಾಯ ಅಭ್ಯರ್ಥಿ ಆಗಿ ಕಣಕ್ಕಿಳಿದಿದ್ದ ಆನಂದ್ ಛೋಪ್ರಾ, ಬಿಜೆಪಿಯ ಆನಂದ ಮಾಮನಿ ವಿರುದ್ಧ ಅಲ್ಪಮತಗಳಿಂದ ಪರಾಭವಗೊಂಡಿದ್ದರು. ಆನಂದ್ ಛೋಪ್ರಾ ಸವದತ್ತಿಯ ಖ್ಯಾತ ಉದ್ಯಮಿಯಾಗಿದ್ದಾರೆ. ರಾಜಕೀಯ ಇಲ್ಲವೇ ಉದ್ಯಮದಲ್ಲಿನ ವೈಷಮ್ಯವೇ ಕೊಲೆ ಯತ್ನಕ್ಕೆ ಕಾರಣ ಇರಬಹುದು ಎಂದು ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ.