ಘಟಪ್ರಭಾ:ಸತೀಶ ಜಾರಕಿಹೊಳಿ ಅವರ ಕೈ ಬಲಪಡಿಸಲು ಕಾಂಗ್ರೆಸ್ ಅಭ್ಯರ್ಥಿಗೆ ಮತ ನೀಡಿ : ಲಖನ್ ಜಾರಕಿಹೊಳಿ
ಸತೀಶ ಜಾರಕಿಹೊಳಿ ಅವರ ಕೈ ಬಲಪಡಿಸಲು ಕಾಂಗ್ರೆಸ್ ಅಭ್ಯರ್ಥಿಗೆ ಮತ ನೀಡಿ : ಲಖನ್ ಜಾರಕಿಹೊಳಿ
ನಮ್ಮ ಬೆಳಗಾವಿ ಸುದ್ದಿ , ಘಟಪ್ರಭಾ ಏ 18:
ಬರುವ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ ಪಕ್ಷಕ್ಕೆ ಮತ ನೀಡಿ ಸಚಿವರ ಕೈ ಬಲ ಪಡಿಸಬೇಕೆಂದು ಕಾಂಗ್ರೆಸ ಯುವ ಮುಖಂಡ ಲಖನ್ ಜಾರಕಿಹೊಳಿ ಹೇಳಿದರು
ಗುರುವಾರದಂದು ಗೋಕಾಕ ಮತಕ್ಷೇತ್ರದ ಶಿಂಧಿಕುರಬೇಟ ಗ್ರಾಮದ ದೇವಸ್ಥಾನದ ಆವರಣದಲ್ಲಿ ಹಮ್ಮಿಕೊಂಡಿದ್ದ ಕಾಂಗ್ರೆಸ್ ಪಕ್ಷದ ಲೋಕಸಭಾ ಅಭ್ಯರ್ಥಿ ಡಾ.ವ್ಹಿ.ಎಸ್.ಸಾಧುನವರ ಪರ ಪ್ರಚಾರ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿದರು
ಬಡವರ ಹಾಗೂ ದೀನ ದಲಿತರ ಉದ್ದಾರಕ್ಕೆ ಹಿಂದಿನ ಸಿದ್ದರಾಮಯ್ಯ ಸರಕಾರ ಹಲವಾರು ಯೋಜನೆ ಹಾಗೂ ಭಾಗ್ಯಗಳನ್ನು ನೀಡಿ ಬಡವರ ಪರ ನಿಂತಿದೆ . ಈಗಿರುವ ಮೈತ್ರಿ ಸರಕಾರವು ಸಹ ಹಲವಾರು ಅಭಿವೃದ್ಧಿ ಕಾರ್ಯಗಳನ್ನು ಮಾಡುತ್ತಿದೆ ಈ ಎಲ್ಲ ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡು ಬರುವ ಲೋಕಸಭಾ ಚುನಾವಣೆಯಲ್ಲಿ ಶಿಂಧಿಕುರಬೇಟದಲ್ಲಿರುವ ಸುಮಾರು 9 ಸಾವಿರ ಮತಗಳಲ್ಲಿ ಹೆಚ್ಚಿನ ಅಂತರ ನೀಡಿ ಮೈತ್ರಿ ಸರಕಾರದ ಹಾಗೂ ಸಚಿವ ಸತೀಶ ಜಾರಕಿಹೊಳಿ ಅವರ ಕೈ ಬಲಪಡಿಸಬೇಕೆಂದು ಯುವ ಮುಖಂಡ ಲಖನ್ ಹೇಳಿದರು .
ಈ ಸಂದರ್ಭದಲ್ಲಿ ಅರಣ್ಯ ಸಚಿವ ಸತೀಶ ಜಾರಕಿಹೊಳಿ ,ಮಾಜಿ ತಾ.ಪಂ ಸದಸ್ಯ ಆದಮ್ಮಸಾಬ ಮಕಾಂದರ , ಕಾಡೇಶ ತೇಳಗೇರಿ ,ಸದಾನಂದ ಕುರಬೇಟ , ಮಾರ್ಕಂಡೇಶ್ವರ ಮಹಿಮಗೋಳ, ಶಾನೂಲ ಬೆಂಡವಾಡ , ಧರ್ಮರಾಜ ಧರ್ಮಟ್ಟಿ , ಚಿದಾನಂದ ಕುರಬೇಟ , ಭೀಮಶಿ ಗಾಡಿವಡ್ಡರ ಸೇರಿದಂತೆ ಅನೇಕರು ಇದ್ದರು .