ಗೋಕಾಕ:ಸಪ್ತಪದಿ ತುಳಿದ ಕಾಮಿಡಿ ಕಿಲಾಡಿ ಪ್ರವೀಣಕುಮಾರ ಗಸ್ತಿ
ಸಪ್ತಪದಿ ತುಳಿದ ಕಾಮಿಡಿ ಕಿಲಾಡಿ ಪ್ರವೀಣಕುಮಾರ ಗಸ್ತಿ
ನಮ್ಮ ಬೆಳಗಾವಿ ಸುದ್ದಿ , ಗೋಕಾಕ ಮೇ 17 :
ಜಿ ಕನ್ನಡ ವಾಹಿನಿ ಕಾಮಿಡಿ ಕಿಲಾಡಿಗಳು ಹಾಗೂ ಕಿಲಾಡಿ ಕುಟುಂಬ ಖ್ಯಾತಿಯ ಕಾಮಿಡಿ ಕಿಲಾಡಿ ಪ್ರವೀಣಕುಮಾರ ಗಸ್ತಿ ಶುಕ್ರವಾರದಂದು ತಮ್ಮ ಬಹುದಿನಗಳ ಗೆಳತಿ ಅಶ್ವಿನಿ ದೇಮಶೆಟ್ಟಿ ಅವರೊಂದಿಗೆ ಸಪ್ತಪದಿ ತುಳಿದರು.
ನಗರದ ಹೊರವಲಯದಲ್ಲಿರುವ ಶ್ರೀ ಬಸವೇಶ್ವರ ಸಭಾ ಭವನದಲ್ಲಿ ಜರುಗಿದ ಅದ್ದೂರಿ ಮದುವೆ ಸಮಾರಂಭದಲ್ಲಿ ತಾಲೂಕಿನ ಕಾಮಿಡಿ ಕಿಲಾಡಿ ಪ್ರವೀಣಕುಮಾರ ಗಸ್ತಿ ಅವರಿಗೆ ಮಠಾಧಿಶರು, ವಿವಿಧ ರಾಜಕೀಯ ಮುಖಂಡರ ಶುಭ ಹಾರೈಸಿದರು .
ವಿವಾಹ ಸಮಾರಂಭದಲ್ಲಿ ರಾಯಬಾಗ ಶಾಸಕ ದುರ್ಯೋಧನ ಐಹೊಳೆ , ಕಾರ್ಮಿಕ ಧುರೀಣ ಅಂಬಿರಾವ ಪಾಟೀಲ , ಕರವೇ ಅಧ್ಯಕ್ಷ ಬಸವರಾಜ ಖಾನಪ್ಪನವರ , ಜೀ ಕನ್ನಡದ ಸರಿಗಮಪ ಖ್ಯಾತಿಯ ಹನುಮಂತಣ್ಣ, ಘೋಡಗೇರಿಯ ಲಕ್ಷ್ಮೀ ತಳವಾರ, ಜಾನಪದ ಕಲಾವಿದ ಶಬ್ಬೀರ ಡಾಂಗೆ , ಶ್ರೀರಾಮ ಕಾಸರ , ರಿಯಾಜ ಚೌಗಲಾ , ಹಾಸ್ಯ ಕಲಾವಿದರಾದ ಮಹಾದೇವ ಸತ್ತಿಗೇರಿ, ರಾಜು ಬದಾಮಿ , ಶಿವಾನಂದ ಪೂಜಾರಿ ಸೇರಿದಂತೆ ವಿವಿಧ ಗಣ್ಯರು, ಕಲಾವಿದರು ಮದುವೆ ಸಮಾರಂಭದ ಅಕ್ಷತಾರೋಪಣ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ನವ ವಧು ವರರಿಗೆ ಶುಭ ಹಾರೈಸಿದರು.